قاہرہ : مصر کے شمالی علاقے میں چر چ میں دھماکے کے نتیجے میں 36 افراد ہلاک اور متعدد زخمی ہو گئے، جن میں کچھ زخمیوں کی حالت نازک بتائی جا رہی ہے اس لیے ہلاکتوں میں اضافے کا خدشہ ہے۔
تفصیلات کے مطابق مصر کے شمالی علاقے میں واقع شہر طنطا میں سینٹ جارج کوپٹک چرچ میں دھماکے کی اطلاعات ہیں جس کے نتیجے میں 36 افراد ہلاک اور 40 سے زائد زخمی ہو گئے ہیں جنہیں قریبی اسپتال منتقل کردیا گیا ہے۔
Image shows mayhem outside the church in #Tanta following the blast. #Egypt https://t.co/ID5G8YeQXE pic.twitter.com/eufnVLgR6L
— Al Arabiya English (@AlArabiya_Eng) April 9, 2017
ذرائع کے مطابق دھماکہ صبح 10 بجے ہوا جب اتوار کی خصوصی عبادت میں شرکت کے لیے لوگوں کی بڑی تعداد چرچ میں موجود تھی اور رش کے باعث ہلاکتوں اور زخمیوں کی تعداد زیادہ ہے۔
اسپتال ذرائع کا کہنا ہے کہ 13 افراد کی لاشیں اور 40 سے زائد زخمی لائے گئے ہیں جن میں کئی زخمیوں کی حالت نازک ہے جنہیں ابتدائی طبی امداد دی جا رہی ہے تاہم ہلاکتوں میں اضافے کا خدشہ ہے ہلاک ہوگئے ہیں۔
سیکیورٹی اداروں نے کسی ممکنہ حادثے سے بچنے کے لیے چرچ کو چاروں طرف سے محاصرے میں لے لیا ہے اور اپنی نگرانی میں امدادی کاموں کا آغاز کردیا ہے تاہم ابھی تک کسی گرفتاری کی اطلاع نہیں آئی ہے۔
سیکیورٹی ادارے کے اہلکار کا کہنا ہے کہ ابتدائی شواہد جمع کر رہے ہیں تاہم ابھی تک دھماکے کی نوعیت کا اندازہ نہیں لگایا جا سکا ہے اور نہ ہی کسی جماعت نے ذمہ داری قبول کی ہے لیکن خدشہ ہے کہ یہ انتہا پسندوں کی کارروائی ہو۔
