لندن : امریکا کے بعد اب برطانیہ نے 6 مسلم ممالک کے مسافروں پر دوران پرواز لیپ ٹاپ، ٹیبلیٹ اور دیگر الیکٹرانک آلات لانے پر پابندی عائد کردی۔
تفصیلات کے مطابق امریکا کے نقش قدم پر چلتے ہوئے برطانیہ نے بھی سیکیورٹی خدشات کو بنیاد بناتے ہوئے مخصوص ممالک کے مسافروں پر مخصوص برقی آلات کے ہمراہ پرواز کرنے پر عائد کر دی فی الحال یہ پابندی 6 مسلم ممالک سے برطانیہ آنے والی پروازوں پر عائد کی گئی ہے۔
اسی سے متعلق : امریکہ آنےوالی پروازوں پرالیکٹرانک اشیاءلانےپرپابندی کافیصلہ
برطانوی میڈیا کے مطابق برطانوی حکومت نے لیپ ٹاپ ، ٹیبلیٹس ،گیمنگ آلات، ای ریڈرز اور پورٹیبل ڈی وی ڈی پلیئرز کے ہمراہ پرواز پر پابندی عائد کی ہے اور یہ پابندی پابندی مشرق وسطیٰ کے ممالک ترکی، لبنان، اردن، مصر، تیونس اور سعودی عرب پر لگائی گئی ہے۔
یہ بھی پڑھیں : امریکا آنے والوں کوسوشل میڈیا اکاؤنٹس کا پاس ورڈ دینا ہوگا، ہوم لینڈ سیکریٹری
برطانوی میڈیا کا کہنا ہے کہ مشرق وسطی کے 6 ممالک سے آنے والی پروازوں کے مسافر اپنے ہمراہ صرف اسمارٹ فون لا سکیں گے اور اگر اس کے علاوہ دیگر آلاتِ لانے پر مکمل پابندی ہوگی جسے ضبط کر لیا جائے گا۔
واضح رہے کہ امریکا نے بھی 12 ممالک سے آنے والی پروازوں پر برقی آلات لانے پر پابندی کرتے ہوئے اس پابندی کی وجہ سیکیورٹی خدشات کو بتایا ہے جس پر سنجیدہ حلقوں کی جانب سے حیرانگی کا اظہار کیا گیا تھا۔
