site
stats
ماحولیات

پینے کے ساتھ ساتھ ختم ہوجانے والی پانی کی بوتل

کیا آپ نے پانی کی کسی ایسی بوتل کا تصور کیا ہے جو آپ کے پانی پینے کے ساتھ ساتھ ختم ہوتی جائے؟

آئس لینڈ کے ایک طالبعلم ایری جانسن نے ایک ایسی بائیو ڈی گریڈ ایبل یعی زمین میں تلف ہوجانے والی پانی کی بوتل بنائی ہے جو پانی کے ساتھ ساتھ ختم ہوتی جائے گی۔

یہ بوتل الجی جیلی سے بنائی گئی ہے جسے جما کر بوتل کی شکل میں ڈھال دیا جاتا ہے۔ اسے اس شکل میں برقرار رہنے کے لیے ضروری ہے کہ اس کے اندر کوئی سیال مادہ بھراجائے۔

تاہم جیسے ہی اس کے اندر بھرا پانی یا سیال ختم ہوجاتا ہے یہ ٹوٹ جاتی ہے یا گل جاتی ہے۔ اب یہ پھینکنے کے بعد زمین میں نہایت آسانی سے اور بہت کم وقت میں تلف ہوجانے والی شے ہے۔

یاد رہے کہ پانی کے لیے استعمال ہونے والی پلاسٹک کی بوتلوں کو تلف کرنا ایک بہت بڑا مسئلہ ہے کیونکہ پلاسٹک کو زمین میں تلف ہونے کے لیے ہزاروں سال درکار ہیں۔

یہی وجہ ہے کہ یہ زمین اور پانی کے اندر کچرے کے ڈھیر کی صورت میں جمع ہوتی جارہی ہے۔ اقوام متحدہ کے مطابق سنہ 2050 تک ہمارے سمندروں میں آبی حیات سے زیادہ پلاسٹک کی اشیا موجود ہوں گی۔

تو کیا آپ اس کچرے کو کم کرنے کے لیے اس انوکھی بوتل میں پانی پینا چاہیں گے؟

پلاسٹک کی تباہ کاری کے بارے میں مزید مضامین پڑھیں


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

اس ویب سائیٹ پر موجود تمام تحریری مواد کے جملہ حقوق@2017 اے آروائی نیوز کے نام محفوظ ہیں

To Top