مزیدار اور لذیذ سینڈوچ بچوں اور بڑوں سب ہی کو پسند ہوتے ہیں۔ آج ہم کو کچھ منفرد طرح سے سینڈوچ بنانے کی ترکیب بتا رہے ہیں۔
پنیر اور مکئی کے دانوں کے ساتھ بیکڈ کارن چیز سینڈوچ یقیناً نہایت شوق سے کھائے جائیں گے اور آپ اپنے اہل خانہ سے بے تحاشہ داد وصول کریں گے۔
اجزا
بریڈ سلائسز: 8 عدد
دودھ: دیڑھ کپ
مکھن: 100 گرام
چیڈر چیز: 1 کپ
باریک کٹی شملہ مرچ: 1 کپ
باریک کٹی پیاز: 1 عدد
کالی مرچ: 1 چائے کا چمچ
کارن: 1 کپ
نمک: آدھا چائے کا چمچ
چیز سلائس: 4 عدد
تیل: 2 کھانے کے چمچ
ترکیب
پہلے 2 کھانے کے چمچ تیل گرم کر کے 1 عدد باریک کٹی پیاز کو سنہری کرلیں۔
اب اس میں دودھ، کارن، کالی مرچ، نمک، شملہ مرچ، چیڈر چیز اور مکھن ڈال کر چولہا بند کر دیں۔
آٹھ عدد بریڈ سلائسز لے کر ان میں کارن کی فلنگ کریں۔
اوپر دوسرا پیس رکھ کر 4 عدد چیز سلائس رکھ دیں۔
اس کے بعد ٹرے کو اوون میں رکھ کر 10 سے 15 منٹ بیک کرلیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
