تازہ ترین

بغداد میں کار بم دھماکہ ‘ 11 افراد ہلاک

بغداد: عراق کے دارالحکومت بغداد میں کار بم دھماکے کے نتیجے میں 11 افراد ہلاک جبکہ 26 زخمی ہوگئے۔

تفصیلات کے مطابق بغداد کے شمال مشرقی علاقے کی مارکیٹ میں کاربم دھماکے کے نتیجے میں 11 افراد جان کی بازی ہار گئے جبکہ متعدد زخمی ہوگئے۔

عراقی حکام کے مطابق دھماکے میں ہلاک ہونے والے افراد میں سیکورٹی فورسز کے اہلکار بھی شامل ہیں۔

خیال رہے کہ دہشت گرد تنظیم دولت اسلامیہ نے بغداد کی مارکیٹ میں ہونے والے دھماکے کی ذمہ داری قبول کرلی ہے۔

بغداد میں یہ دھماکہ ایسے وقت میں ہوا ہے کہ جب گزشتہ روز عراقی فورسز نے تل افر پر اپنا کنٹرول حاصل کرلیا تھا یہ علاقہ شام کی سرحد سے 150 کلو میٹر دور ہے۔


بغداد کے آئس کریم پارلر میں دھماکہ‘13 افراد ہلاک


یاد رہے کہ رواں سال 30 مئی کو عراق کے دارالحکومت بغداد کے وسط میں موجود ایک معروف آئس کریم پارلر میں دھماکے کے نتیجے میں13 افراد ہلاک ہو گئے تھے۔


بغداد میں خودکش دھماکہ‘کم ازکم 48افراد ہلاک


واضح رہے کہ رواں سال فروری میں بغداد کےجنوبی علاقے بعیا میں خودکش حملہ آور نے دھماکہ خیز مواد سے بھری کار سے عوام کو نشانہ بنایا تھا جس میں 48افراد ہلاک جبکہ 50سے زائد افراد زخمی ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -