واشنگٹن: امریکی شہر نیویارک کے علاقے مین ہٹن میں ایک شخص نے راہگیروں کو ٹرک تلے کچل ڈالا۔ حادثے میں 8 افراد ہلاک اور ایک درجن سے زائد زخمی ہوگئے، حملہ آور کو زخمی حالت میں گرفتار کرلیا گیا۔
عالمی میڈیا کے مطابق نیویارک کے مصروف علاقے مین ہٹن میں حملہ آور نے ٹرک تلے راہگیروں کو کچل ڈالاجس میں 8 افراد جان سے گئے اور متعدد زخمی ہوگئے۔
نیٹ حملہ آور نے راہگیروں کو روندتے ہوئے اسکول بس کو بھی ٹکر ماری، جس سے 2 بچوں سمیت 4 افراد زخمی ہوئے۔
More images emerge from the scene of the #NewYorkAttack, where eight people were killed and several injured. #TenNews pic.twitter.com/i6j8qRM9zf
— TEN Eyewitness News (@channeltennews) October 31, 2017
کمشنر نیویارک کا کہنا تھا کہ 29 سالہ حملہ آور نے ٹرک سے اتر کر فائرنگ بھی کی جواباً پولیس کی جانب سے کی فائرنگ میں حملہ آور کو پیٹ میں گولی مار کر حراست میں لے لیا گیا۔ حملہ آور سے پینٹ بال اور پیلٹ گن برآمد ہوئی ہیں۔
امریکی میڈیا کے مطابق حملہ آور کا تعلق ازبکستان سے ہے جو سنہ 2010 میں ہجرت کر کے امریکا آیا جبکہ حملہ آور سیفولو کی گاڑی سے داعش کا جھنڈا بھی ملا ہے۔
#NewYorkAttack A 29-year-old Uzbek national, Sayfullo Habibullaevic Saipov, is suspected to be behind the #ManhattanAttack
(Image: NBC News) pic.twitter.com/qIjqxQzfHm— News18 (@CNNnews18) November 1, 2017
میئر نیویارک نے واقعے کو دہشت گردی قرار دیا اور کہا کہ ایسے حملے عوام کے عزم کو کمزور نہیں کرسکتے۔ دوسری جانب گورنر نیویارک کا کہنا تھا کہ اس طرح کے واقعات ہمیں مزید مضبوط بنا رہے ہیں، ہم دہشت گردوں کو کامیاب نہیں ہونے دیں گے۔
واقعے کے بعد مین ہٹن میں سیکیورٹی کے انتظامات مزید سخت کردییے گئے ہیں جبکہ شہر بھر میں بھی پولیس کی مزید نفری تعینات کردی گئی ہے۔
خیال رہے کہ سخت سیکیورٹی کے باعث اب دہشت گرد طریقہ واردات تبدیل کر کے گزشتہ چند ماہ سے سے امریکا اور برطانیہ سمیت دیگر ممالک کے بڑے اور مصروف شہروں میں تیز رفتار گاڑیوں کے ذریعے لوگوں کو کچل کر اپنے مذموم مقاصد پورے کر رہے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
