site
stats
کھیل

حکومت دیگر ایشوز میں مصروف ہے، باکسنگ پر توجہ نہیں، باکسر عامر خان

اسلام آباد : باکسر عامر خان نے کہا ہے کہ پاکستان میں بہترین ٹیلنٹ موجود ہے بس انہیں نکھارنے کی ضرورت ہے جس کے بعد انشااللہ پاکستان سے بہترین باکسرز سامنے آئیں گے۔

وہ اسلام آباد باکسنگ اکیڈمی کے دورے کے بعد میڈیا سے بعد کر رہے تھے انہوں نے کہا کہ یہاں آ کر بہت خوشی ہوئی ہے پاکستانی باکسرز کوعالمی سطح پر متعارف کرانے کی کوشش کررہا ہوں۔

باکسر عامر خان نے کہا کہ جنرل (ر) راحیل شریف کے ساتھ ملاقات کر کے خوشی ہوئی تھی وہ بارعب شخصیت کے مالک ہیں اور اب موقع ملا تو نئے آرمی چیف کے ساتھ بھی ملاقات کروں گا۔

ممتاز باکسر نے پاکستان میں باکسنگ کے فروغ کے لیے اُٹھائے گئے اقدامات کے بارے میں بتاتے ہوئے کہا کہ مقامی سطح پر باکسنگ کے مقابلے کرا رہے ہیں اور اب اسلام آباد کے بعد لاہور اور کراچی میں بھی باکسنگ اکیڈمی بنائیں گے۔


*بختاور بھٹو کا مکا پاور فل اور آصفہ کے مکے تیز رفتار ہیں، باکسر عامر خان


اپنے فلاحی کاموں کے حوالے سے ان کا کہنا تھا کہ آئندہ سال پاکستان میں عامرخان انٹرنیشنل ٹرسٹ کا قیام میں عمل لائیں گے جس کے تحت یتیم بچوں کوتعلیم اور رہائش دی جائےگی جس پر کام تیزی سے جاری ہے۔

حکومت کی جانب سے باکسنگ اکیڈمی کے لیے مدد کرنے کے سوال پر باکسر عامر خان نے مسکراتے ہوئے جواب دیا کہ چھوڑیں کوئی بات نہیں حکومت دیگرایشوز میں مصروف ہے اس لیے حکومت کی جانب سے جگہ دی گئی یہ بھی بہت بڑی بات ہے۔

انہوں نے مزید کہا کہ پاکستان میں باکسرزکوحکومت کی جانب خاص توجہ نہیں دی جاتی تاہم حکومت کوجب جب موقع ملتا ہے تو تھوڑی سے توجہ دیتی ہے۔

باکسر عامرخان نے بتایا کہ ہاتھ کے آپریشن کے بعد ٹریننگ شروع کردی ہے اور اپنی فائٹ کے لیے بھرپور تیاری کروں گا اور انشاء اللہ میچ جیت کر اپنے مداحوں کو تحفہ دوں گا۔

Print Friendly, PDF & Email

Comments

comments

اس ویب سائیٹ پر موجود تمام تحریری مواد کے جملہ حقوق@2017 اے آروائی نیوز کے نام محفوظ ہیں

To Top