دفتر میں 8 گھنٹے بیٹھ کر کام کرتے رہنا ویسے تو صحت کے لیے نہایت سنگین مسئلہ ہے تاہم کسی مستقل بیماری یا اکثر بیمار رہنے والے افراد کے لیے نہایت بری جگہ ہے جہاں تھکن یا بیماری کے باوجود مسلسل بیٹھ کر کام کرنا پڑتا ہے۔
تاہم اب ماہرین نے ایسی دفتری کرسی تیار کرلی ہے جس پر دفتر میں بھی لیٹ کر اپنا کام سر انجام دیا جاسکتا ہے۔
آلٹ ورک اسٹیشن نامی یہ کرسی صرف کرسی نہیں پورا ایک سسٹم ہے، جس پر کمپیوٹر بھی نصب کردیا جاتا ہے۔ اگر آپ اس پر لیٹ کر کام کرنا چاہتے ہیں تو آپ کے نیچے ہوتے ہی کمپیوٹر، ماؤس اور کی بورڈ بھی اس پوزیشن میں آجائیں گے کہ آپ باآسانی اپنا کام کرسکیں۔
یہ کرسی ان لوگوں کے لیے تو مفید ہے جو بیماری کے باوجود دفتر آ کر کام کرتے ہیں، مگر وہ افراد ضرور اس سے ناخوش ہوں گے جو معمولی بیماری پر بھی دفتر سے چھٹی لے کر بیٹھ جاتے ہیں۔
اس ورک اسٹیشن کی قیمت 7 ہزار امریکی ڈالر رکھی گئی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
