لاہور: شریف خاندان کے خلاف احتساب عدالت میں نیب کی جانب سے دائرریفرنسز کی سماعت 4 دسمبر تک ملتوی ہوگئی۔
تفصیلات کے احتساب عدالت کے جج محمد بشیر نے شریف خاندان کے خلاف نیب کی جانب سے دائر تین ریفرنسز کی سماعت کی۔
اس موقع پر سابق وزیراعظم نوازشریف ، ان کی صاحبزادی مریم نواز اور داماد کیپٹن ریٹائرڈ صفدر کمرہ عدالت میں موجود تھے۔
سماعت کے آغاز پرنا اہل وزیراعظم نوازشریف کے وکیل کی جانب سے سماعت ملتوی کرنے کی درخواست کی گئی۔
نوازشریف کے وکیل نے کہا کہ کہ ہائی کورٹ نے ریفرنس یکجا کرنےکا فیصلہ آئندہ ہفتےسنانا ہے، ریفرنس یکجا کرنے کے فیصلے تک سماعت ملتوی کی جائے۔
ڈپٹی پراسیکیوٹر نیب نے عدالت میں دلائل دیتے ہوئے کہا کہ عدالت نے فیصلہ سنانے کی کوئی تاریخ نہیں رکھی، سماعت ملتوی نہ کی جائے۔
نوازشریف کی میڈیا سے غیررسمی گفتگو
احتساب عدالت سے باہر نکل کر سابق وزیراعظم نوازشریف نے میڈیا سے گفتگوکرتے ہوئے کہا کہ باتیں بہت ہیں، ایک دو دن میں کروں گا۔
خیال رہے کہ اس سے قبل نا اہل وزیراعظم نوازشریف اپنی صاحبزادی مریم نواز کے ہمراہ پیشی کے لیے لاہور سے اسلام آباد پہنچے جہاں ایئرپورٹ پر میئراسلام آباد شیخ انصر نے ان کا استقبال کیا۔
احتساب عدالت میں شریف خاندان 28 نومبر کو دوبارہ طلب
واضح رہے کہ اس سے قبل 22 نومبر کو نا اہل وزیراعظم نوازشریف نے حاضری سے استثنیٰ کی تاریخوں میں تبدیلی کی درخواست کی تھی جس پرعدالت نے نیب سے جواب طلب کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
