بیجنگ: چین کے والدین بچوں کو چھوٹی عمر سے ہنرمندی کی تعلیم دلوانے کے لیے کوشاں ہوتے ہیں یہی وجہ ہے کہ آج چینی انجینئرز دنیا بھر میں اپنی صلاحیتوں کا لوہا منوارہے ہیں۔
چین کی بڑھتی ہوئی ترقی اور اس کی معیشت کے مستحکم ہونے کی ایک وجہ وہاں پر دی جانے والی ہنرمندی کی تعلیم ہے، حکومت کی جانب سے چین میں ہنر مندی کی تعلیم کے فروغ کے بعد والدین اس کی اہمیت سے اچھی طرح واقف ہیں اور وہ چھوٹے بچوں کو ٹیکنیکل فیلڈ سے بخوشی وابستہ کرتے ہیں۔
چین کی جدید ٹیکنالوجی نے بلند معیار اور کم قیمت ہونے کی وجہ سے دنیا بھر میں تہلکہ مچایا ہوا ہے اس لیے آج وہاں بننے والی ہر چیز مختصر وقت میں عوامی سطح پر مقبولیت حاصل کرلیتی ہیں، انٹرنیٹ پر دو سال قبل شیئر ہونے والی ویڈیو ایک بار پھر لوگوں کی توجہ کا مرکز بن گئی کیونکہ اب اس ویڈیو میں نظر آنے والے ننھے ڈرائیور کی تفصیلات بھی سامنے آگئی ہیں۔
ویڈیو میں دکھائے جانے والے بچے کا نام لان ژنگ ہے اور اب وہ باقاعدہ تعمیراتی کمپنی میں ملازمت کررہا ہے، بچے کو مہارت کے ساتھ ٹریکٹر (کرین) کی ڈرائیونگ کرتے ہوئے دیکھ کر ایک تعمیراتی کمپنی اُسے نوکری کی پیش کش کی جہاں اب وہ بجری اور دیگر سامان کو ایک جگہ سے دوسرے مقام پر منتقل کرنے کا کام کررہا ہے۔
ویڈیو دیکھیں
ننھا چینی اپنے چھوٹے قد کی وجہ سے گاڑی کو کھڑے ہوکر چلانے پر مجبور ہے تاہم اس دوران کہیں محسوس ہوتا کہ اُسے کسی جگہ مشکل کا سامنا کرنا پڑتا ہو۔
