بغداد: عراق کےدارالحکومت بغداد میں حملہ آور نےخود کودھماکہ خیز مواد سے اڑا لیاجس کےنتیجے میں 14افراد ہلاک ہوگئے۔
تفصیلات کےمطابق عراقی حکام کا کہناہےکہ بغداد کے جنوبی داخلی راستے پرچیک پوائنٹ سے گاڑی ٹکرانے کے نتیجے میں ہونے والے دھماکے میں 14افراد ہلاک جبکہ 36 افراد زخمی ہوگئے۔
خودکش حملےکی ذمہ داری دہشت گردتنظیم دولت اسلامیہ نےقبول کرلی اورکہاکہ حملہ آور ٹرک میں سوارتھا جس نے خود کو دھماکے سے اڑا دیا۔
خیال رہےکہ داعش نے 2014 میں بغداد کے مغربی اور شمالی علاقوں پرقبضہ کرلیاتھا تاہم عراقی فورسز نے امریکی اتحاد کے فضائی حملوں کی مدد سے شہر کے زیر قبضہ بڑے علاقے کا کنٹرول دوبارہ حاصل کرلیا۔
عراقی سیکیورٹی فورسز ان دنوں مغربی موصل میں داعش سے لڑائی کر رہی ہے، اور موصل وہ آخری شہر ہے جس کے بڑے علاقے پر داعش کا کنٹرول باقی ہے۔
مزید پڑھیں: عراق میں شادی کی تقریب میں دھماکے‘26افراد ہلاک
یاد رہےکہ رواں ماہ عراق کے ایک گاؤں میں شادی کی تقریب کے دوران دو خودکش دھماکوں کے نتیجے میں کم ازکم 26افراد جان کی بازی ہارگئےتھے۔
مزید پڑھیں:بغداد میں خودکش دھماکہ‘18افراد ہلاک
واضح رہےکہ گزشتہ ماہ عراقی دارالحکومت بغداد کےمضافاتی علاقے میں خودکش حملے کے نتیجے میں کم از کم 18افراد ہلاک جبکہ درجنوں افراد اس دھماکے میں زخمی ہوگئےتھے۔
