تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

چاول کا پانی، حسن و دلکشی بڑھانے کا باعث

خوبصورت نظر آنا ہر خاص و عام کی اولین خواہش ہے جس کے لیے مہنگی سے مہنگی مصنوعات کا بھی استعمال کیا جاتا ہے اور بیوٹی سیلون کے چکر لگائے جاتے ہیں تاہم خوبصورت نظر آنے کے لیے استعمال کیے جانے والی یہ مصنوعات مختلف مضر کیمیکلز کے ذریعے تیار ہوتی ہیں جن کا سائیڈ افیکٹ کبھی کبھی نہایت ہولناک ہوتا ہے.

لہذا عوام الناس کی خواہش ہوتی ہے کہ ایسے طریقے استعمال کیے جائیں جو محفوظ بھی ہوں اور موثر بھی اور جن کے استعمال سے مضر اثرات کا سامنا نہ ہو ایسا ہی ایک قدرتی طریقہ چاول کے پانی کا استعما ل ہے جس کے ذریعے آپ اپنے حسن اور دلکشی کو برقرار رکھ سکتے ہیں.

چاول کے پانی کے فوائد:

ہر قدرتی چیز اپنے اندر وہ افادیت رکھتی ہے کہ عقل انسانی حیران رہ جاتی ہے، قدرتی اشیاء کے بیش بہا فوائد نہ صرف یہ کہ مختلف امراض کے علاج میں کار آمد ہوسکتے ہیں بلکہ حسن و دلکشی میں اضافے کا باعث بھی بنتے ہیں،چاول کا پانی حسن و دلکشی حاصل کرنے کا قدرتی ذریعہ ہے جس کے بیش بہا فوائد درج ذیل ہیں۔


بالوں کی افزائش


بہ طور شیمپو استعمال کیا جاسکتا ہے 

long-hair

چاول کے پانی میں موجود آئرن، زنک اور وٹامن بی کمپلیکس بالوں کی افزائش میں اہم کردار ادا کرتا ہے، اگر چاول کے پانی سے بالوں کو دھویا جاتا رہے تو جلد ہی بال نہ صرف یہ کہ گرنا بند ہو جاتے ہیں بلکہ گھنے اور چمک دار ہو جاتے ہیں۔

shampoo

بہ طور کنڈیشنراستعمال ہوسکتا ہے

علاوہ ازیں چاول کا پانی بالوں کے لیے کنڈیشنر کا بھی کردار ادا کرتا ہے اس سے بال نرم ملائم اور سلجھے ہو بن جاتے ہے جس سے بالوں کو نت نئے انداز کے مطابق سجایا اور سنوارا جا سکتا ہے۔

conditioner


جلد کی حفاظت


قدرتی کلینزنگ ہے  

چاول کا پانی کلینزنگ کا کام بھی کرتا ہے اور چہرے پر جمی گرد کو صاف کر کے چہرے کو تازگی اور شادابی بخشتا ہے جس سے چہرے کی جلد جواں اور پر کشش ہو جاتی ہے۔

beauty-face

بہ طور ماسک استعمال کیا جا سکتا ہے

دوران میک اپ چاول کے پانی کا پیسٹ بنا کر اسے ماسک کے طور پر بھی استعمال کیا جا سکتا ہے، چاول کے پانی میں موجود وٹامن بی کمپلیکس کے باعث چہرے کی جھریاں ختم اور کیل مہاسے دور ہو جاتے ہیں۔

mask

جلد کے بند مسام کھولتا ہے 

چاول کا پانی چہرے کی جلد کے کھلے مسام کو بھی بند کرتا ہے جس کی وجہ سے چہرہ کیل مہاسوں، دانے اور انفیکشن سے محفوظ رہتا ہے بلکہ اس کی دلکشی میں مزید اضافہ ہوجاتا ہے۔


معدے کے امراض میں مفید ہے


السر کا علاج 

چاول کا پانی معدے کے امراض میں مبتلا افراد کے لیے کسی نعمت سے کم نہیں یہ معدے کے زخم یعنی السر کا خاتمہ کرتا ہے جس سے سینے میں جلن اور تکلیف دور ہو جاتی ہے۔

alsar

نظام ہضم کو فعال کرتا ہے 

چاول کا پانی نظام ہاضمہ کو مزید فعال اور درست بناتا ہے، حکماء کا کہنا ہے کہ وہ افراد جنہیں کھانا ہضم کرنے میں دشواری کا سامنا رہتا ہو اگر چاول کا پانی پی لیں تو نظام ہضم درست کام کرنے لگتا ہے۔

pait

چاول کا پانی نہ صرف یہ کہ نظام ہاضمہ کو درست کرتا ہے بلکہ پیٹ کے جملہ امراض کا بھی حل پیش کرتا ہے اور ہیضے سے محفوظ رکھتا ہے۔

چاول کا پانی کیسے حاصل کیا جائے؟

مضمون پڑھنے والے افراد کے ذہن میں یہ سوال ضرور پیدا ہوگا کہ چاول کا کون سا پانی استعمال کیا جائے، چاول بھگونے کے بعد والا پانی یا چاول جس پانی میں چولہے پر پکے، وہ پانی استعمال کیا جائے۔

اس کے لیے عرض ہے کہ چاول جس پانی میں بھگویا جائے وہ پانی استعمال کیا جائے، پہلے چاول کو برتن میں نکال کر اس میں پانی بھریں اور اچھی طرح دھو کر وہ پانی پھینک دیں تاکہ اس کے بعد جس پانی میں آپ چاول بھگوئیں وہ پانی گرد آلود نہ ہو۔

چاول کم از کم پندرہ منٹ یا آدھہ گھنٹہ پانی میں رہنے دیں، چاول پانی میں بھیگے گا تو اس میں موجود وٹامنز اور منرلز پانی میں منتقل ہوجائیں گے، چھان کر چاول اور پانی علیحدہ علیحدہ کرلیں۔

اگر آپ اس پانی کو اسٹور کرنا چاہتے ہیں تو اس پانی کو ابال لیں اور ٹھنڈا ہونے پر فریج میں رکھ لیں تاہم چند دن سے زیادہ اسے استعمال نہ کریں اور نیا پانی بنالیں۔


Amazing benefits of rice water by arynews

Comments

- Advertisement -