روم : فائیواسٹارموومنٹ کی امیدوار ورجینیا راگی روم کی تاریخ میں دو سو پچاس سالوں بعد خاتون میئر منتخب ہوگئیں۔
تفصیلات کے مطابق اٹلی میں ہونے والے میئر شب کے انتخابات میں اٹلی کے وزیراعظم اورڈیموکریٹک پارٹی کےسیکرٹری ماتیورینزی کو بڑا دھچکا،فائیواسٹا رموومنٹ کے امیدوار ورجینیا راگی روم کی پہلی خاتون میئر بن گئیں۔
اتوار کے روز سٹی ہال میں ڈیموکریٹک پارٹی کے امیدوار رابرٹو کو فائیواسٹارموومنٹ کی امیدوار ورجینیا راگی کے درمیان کانٹے کا مقابلہ ہوا تاہم 37سالہ ورجینیا نے دو تہائی ووٹوں کی اکثریت سے حکمران جماعت کے امیدوار کو روم کے میئرشپ کے انتخابات میں شکست دی دی۔
فائیواسٹار موومنٹ کی امیدوار اور روم کی نو منتخب میئر کا کہنا تھا کہ ہمارے ساتھ ایک نئے دور کا آغاز ہورہاہے،انہوں نے کہا کہ ہم شہری اداروں میں شفافیت لانے کے لیے کام کریں گے۔
یاد رہے کہ اٹلی کے بڑے شہروں میں ہونےوالےانتخابات سےمتعلق تجزیہ کاروں کی رائےتھی کہ میئر شپ کے لیے انتخابات وزیراعظم اورڈیموکریٹک پارٹی کےسیکرٹری ماتیورینزی کےلیےامتحان سےکم نہیں ہوں گے۔
واضح رہے کہ اسٹیبلشمنٹ مخالف فائیواسٹار موومنٹ نےانتخابی مہم میں غریب افراد کے لیے بنیادی انکم سپورٹ اور یوروزون سے انخلا کے لیے ریفرنڈم کا وعدہ کیا تھا۔
