بالی وڈ‘ ہالی وڈ اور لالی وڈ کی فلموں میں کے معروف اداکار اوم پوری 66 سال کی عمر میں چل بسے‘ انہوں نے 70 سے زائد فلموں میں اپنی اداکاری کے جوہر دکھائے۔
اوم پوری 18 اکتوبر 1950 کو انڈین صوبے ہریانہ کے شہر انبالہ میں پیدا ہوئے تھے۔ انھوں نے بالی وڈ کے علاوہ پاکستانی اور برطانوی فلموں میں بھی کام کیا۔
ان کی تازہ ترین پاکستانی فلم ‘ایکٹر ان لا’ تھی، جس میں انھوں نےاے آروائی ڈیجیٹل کے گیم شو’ جیتو پاکستان‘ کے میزبان فہد مصطفےٰ کے والد کا اہم کردار ادا کیا تھا۔ ہالی وڈ میں ان کی وجہ ِ شہرت ’ایسٹ ازایسٹ‘ نامی فلم ہے۔
اوم پوری مشکل کردار ادا کرنے کے ماہر سمجھے جاتے تھے، یہی وجہ ہے کہ انھوں نے زیادہ تر آرٹ فلموں میں اپنے فن کے جوہر دکھائے۔
پاکستان کی حمایت میں بیان، اوم پوری کے خلاف مقدمہ درج
اوم پوری نے بھارتی پروگرام میں پاکستانی اداکاروں کے ساتھ کام جاری رکھنے کا اعلان کرتے ہوئے کہا تھا کہ’’ پاکستانی اداکار غیر قانونی نہیں بلکہ انڈین ویزا لے کر آتے ہیں، لوگ چاہتے ہیں کہ ہندوستان اور پاکستان اسرائیل اورفلسطین بن جائیں اور صدیوں لڑتے رہیں‘‘ ۔
ان کی موت پر مختلف شعبہ ہائے زندگی سے تعلق رکھنے والوں کے تاثرات سامنے آ رہے ہیں۔
بالی وڈ کے اداکار انوپم کھیر نے ان کی موت پر تبصرہ کرتے ہوئے ٹویٹ کیاکہ ’انھیں بستر پر یوں پرسکون انداز میں لیٹے دیکھ کر یقین نہیں آتا کہ ہمارے عظیم ترین اداکاروں میں سے ایک اوم پوری اب نہیں رہے‘۔
.
I have known #OmPuri for d last 43yrs. For me he’ll always b a great actor, a kind & generous man. And that is how world shud remember him.
— Anupam Kher (@AnupamPkher) January 6, 2017
ریتیش دیش مکھ نے اپنے ٹویٹر پیغام میں کہا کہ یہ جان کر صدمہ ہوا کہ اوم جی اب نہیں رہے۔
Shocked beyond words to learn that #OmPuri ji is no more. Will miss you sir. Condolences to the family. RIP #HugeLoss pic.twitter.com/REq9vDrtkk
— Riteish Deshmukh (@Riteishd) January 6, 2017
اداکار سنی دیول کا کہنا ہے کہ اوم جی ہم آپ کو بہت زیادہ یاد کریں گے۔
Will miss you Omji ..will miss you..will miss you.#Ompuri
— Sunny Deol (@IAMSUNNYDEOL) January 6, 2017