ماسکو: روس کا کہناہے کہ امریکہ روسی ہیکنگ کے ثبوث سامنے لائے ورنہ خاموش ہو جائے۔
تفصیلات کےمطابق امریکہ کی جانب سے صدارتی انتخابات میں روس کے ملوث ہونے کےالزام کےردعمل میں کہا ہےکہ امریکہ روسی ہیکنگ کے ثبوث سامنے لائے ورنہ خاموش رہے۔
روسی صدر ولادی میر پیوٹن کے ترجمان کا کہنا تھا کہ امریکہ کو یاتو یہ بات کرنا ختم کرنی چاہیے یا پھر اس کا ثبوت شواہد پیش کرے۔
مزید پڑھیں: امریکی انتخابات میں ہیکنگ‘روسی صدر ملوث تھے،امریکہ
خیال رہےکہ گزشتہ روزوائٹ ہاؤس کی جانب سے جاری بیان میں اس بات کا بھی اشارہ دیا تھا کہ امریکی صدارتی انتخابات میں روس کی مبینہ مداخلت میں روسی صدر ولادمیر پیوٹن خود ملوث تھے۔
دوسری جانب روس پر امریکہ کی جانب سے صدارتی انتخابات میں ہیکنگ کے الزام پر روس نے سختی سے ان الزامات کی تردید کی ہے۔
یاد رہے کہ امریکی صدر براک اوباما نے اس عزم کا اظہار کیا ہے کہ امریکی صدارتی انتخابات میں مبینہ مداخلت کرنے پر روس کے خلاف کارروائی کی جائے گی۔
مزید پڑھیں:امریکی صدارتی انتخابات میں شکست کا ذمہ دار روس ہے:ہلیری
واضح رہے کہ امریکی صدارتی انتخاب میں ڈیموکریٹک پارٹی کی امیدوار ہلیری کلنٹن نے اپنی شکست کے لیے پہلی بار روس کو ذمہ دار ٹھہرایا ہے۔
