واشنگٹن : امریکا میں صدارتی انتخابات میں چار دن رہ گئے، ہیلری کلنٹن اور ڈونلڈ ٹرمپ کے درمیان کانٹے کے مقابلے کا امکان ہے، تازہ عوامی جائزوں میں ٹرمپ کی مقبولیت میں اضافہ ہوا تو ہیلری کی حمایت میں کمی آئی ہے۔
امریکی صدارتی انتخابات کی مہم ووٹنگ سے چار روز قبل دلچپسپ مرحلے میں داخل ہوگیا ہے، ڈیموکریٹک پارٹی کی صدارتی امیدوار ہیلری کلنٹن کو نئی ای میلز کی دوبارہ تحقیقات سے جھٹکا لگا جبکہ ڈونلڈ ٹرمپ نے اپنی پوزیشن بہتر کرلی ہے۔
تازہ عوامی جائزوں کے مطابق ہیلری کی مقبولیت کے گراف میں کمی آئی ہے، ہیلری آٹھ ریاستوں میں اپنے حریف ٹرمپ سے آگے تھیں لیکن اب ان کی سبقت چار ریاستوں میں برقرار ہے۔
پول سروے کی رپورٹ کے مطابق ایری زونا میں ڈونلڈ ٹرمپ کو پینتا لیس اور ہیلری کو چالیس فیصد ووٹروں کی حمایت حاصل ہوئی ،ٹیکسا س اور جارجیا میں بھی ٹرمپ ہیلری سے آگے رہے ۔جارجیا میں اٹھاون اور ٹکیساس میں چوون فیصد ووٹرارلی ووٹ کے تحت حق رائے دہی استعمال کرچکے ہیں۔
مزید پڑھیں : ڈونلڈ ٹرمپ کوہلیری کلنٹن پر برتری حاصل ہوگئی
ڈونلڈ ٹرمپ چار ریاستوں میں آگے ہیں، دونوں امیدوار شمالی کیرولائنا کے ووٹرز کی حمایت حاصل کرنے کے لئے ایڑی چوٹی کا زورلگا رہے ہیں۔
دوسری جانب ہیلری کلنٹن کو ناکام بنانے کے لئے بھارتی لابی سرگرم ہوگئی، ہلیری کی پاکستانی نژاد قریبی ساتھی ہما عابدین کیخلاف ہندوکولیشن نے گمراہ کن اشتہار جاری کردیا۔
خیال رہے کہ امریکا کے نئے صدرکے انتخاب کے لئے آٹھ نومبرکو ووٹ ڈالے جائیں گے۔
