آپ نے ایسے لوگوں کو دیکھا ہوگا جو ایک خطرناک مکڑی یا خوفناک اژدھے کو پالتو جانور کے طور پر گھر میں رکھتے ہیں۔ اس قسم کے لوگ زیادہ تر مغرب میں پائے جاتے ہیں جو ایسے جانوروں کو آرام سے اپنے ہاتھ پر بٹھا کر پیار بھی کرتے ہیں۔ عرب شیوخ بھی شیر اور چیتے سمیت مختلف جانور پالتے ہیں۔ ہمارے ملک میں رائے ونڈ میں بھی پالتو چیتے موجود ہیں جن کی خوراک اور دیگر ضروریات کا ماہانہ خرچہ لاکھوں روپے ہے۔
دنیا میں کئی جانور ایسے ہیں جنہیں قانونی طور پر گھر میں پالا جاسکتا ہے۔ ان میں سے کچھ یقیناً آپ کے لیے غیر معروف ہوں گے۔ تو پھر جان لیجیئے کہ وہ کون سے جانور ہیں جنہیں گھر میں رکھنا قانونی طور پر جائز ہے۔
:زیبرا
جی ہاں زیبرا کو بھی پالتو جانور کی حیثیت سے گھر میں رکھا جاتا ہے اور یہ قانونی ہے۔
:اسکنکس
شمالی امریکہ میں پایا جانے والا ممالیہ جانور اسکنکس گو کہ نہایت بدبو دار ہوتا ہے اس کے باوجود لوگ شوق سے اسے پالتے ہیں۔
:چھوٹے گدھے
پونیز کی شکل کے چھوٹے گدھے بچوں کے بہترین دوست ثابت ہوتے ہیں۔ اگر آپ اسے پالنے کا ارادہ رکھتے ہیں تو انہیں بہت بڑی جگہ دینی ضروری ہے۔ یہی نہیں انہیں ہمیشہ جوڑے کی شکل میں خریدیں کیونکہ یہ اکیلے بیمار اور سست ہوجاتے ہیں۔
:چیتے
چیتے پالنا امیر افراد کا شوق ہے۔ آپ بھی چیتے پال سکتے ہیں لیکن خیال رہے کہ چیتے پالنے والے اکثر افراد انہی چیتوں کے ہاتھوں قتل ہوجاتے ہیں۔
:پرینہا مچھلی
جنوبی امریکہ میں پائی جانے والی ایک خونخوار مچھلی جو کسی پر بھی حملہ کر سکتی ہے۔ گو کہ یہ حجم میں چھوٹی ہوتی ہے۔ شوقین افراد اسے بھی پالتے ہیں۔
