نیویارک: اقوام متحدہ کے سیکریٹری جنرل بان کی مون نے مقبوضہ کشمیر میں فورسز کے ہاتھوں 32نہتے کشمیری مظاہرین کی ہلاکت پر تشویش کا اظہار کیا ہے.
تفصیلات کے مقبوضہ کشمیر میں موجودہ صورت حال کے حوالے سے اقوام متحدہ کے سیکریٹری جنرل بان کی مون کے ترجمان اسٹیفن دوجاریک نے بریفنگ کے دوران کے سوال کا جواب دیتے ہوئے کہا کہ اقوام متحدہ کے سیکریٹری جنرل بان کی مون نےکشمیریوں کے قتل پر تشویش کا اظہار کیا ہے.
سیکریٹری جنرل بان کی مون کے ترجمان اسٹیفن دوجاریک کےمطابق اس حوالےسے بان کی مون کا ایک تفصیلی بیان بعدازاں جاری کیا جائےگا.
کشمیریوں پر ظلم، اقوام متحدہ کا اظہار تشویش، بھارتی ہائی کمشنر کی دفتر خارجہ طلبی*
اس سے قبل دفتر خارجہ نے بھارتی ہائی کمشنر کو طلب کرکے کشمیر میں ہونے والے مظالم پر احتجاج کرتے ہوئے 32 ہلاکتوں کی شفاف تحقیقات کا مطالبہ کیاتھا اور کہا کہ کشمیریوں پر بھارتی فوج کے مظالم کسی صورت قبول نہیں،دوسری جانب اقوام متحدہ نے بھی مظالم کا نوٹس لیتے ہوئے ہلاکتوں پر تشویش کا اظہار کیا تھا.
