شام : سات سالہ شامی بچی بانا العابد نے امریکی صدر سے سوال کیا ہے کہ کیا آپ نے کبھی 24گھنٹوں تک بنا کھانا اور پانی کے زندگی گذاری ہے۔
شام کی شہر حلب سے متواتر ٹوئٹس کرتے ہوئے توجہ کا مرکز بننے والی 7سالہ شامی لڑکی بانا العابد کی نئی ویڈیو سامنے آئی ہے، جس میں بانا نے امریکی صدر ڈونالڈ ٹرمپ سے پوچھا ہے کہ ’کیا آپ نے کبھی 24گھنٹوں تک بنا کچھ کھانے اور بنا پانی کی زندگی گذاری ہے ؟ شام کے پناہ گزینوں اور ان کے بچوں کے بارے میں کچھ سوچیں‘۔
my video to Trump. ” Mr @realdonaldtrump have u ever had no food & water for 24 hrs? Just think of refugees & the children of Syria.” pic.twitter.com/qbaZGp0MvB
— Bana Alabed (@AlabedBana) February 1, 2017
اس سے قبل بھی بانا العابد نے ٹرمپ کے ٹوئٹ کے جواب میں پوچھا تھا کہ ” کیا میں دہشت گرد ہوں؟”۔
Am I terrorist? https://t.co/wXc1iekTmg
— Bana Alabed (@AlabedBana) February 1, 2017
ٹرمپ کا ٹوئٹ میں کہنا تھا کہ ممالک پر پابندی کا مقصد خراب لوگوں کو اپنے ملک سے باہر نکالنا ہے۔
واضح رہے کہ چند روز قبل امریکی صدر ٹرمپ نے سات مسلم سمیت شام کے تارکین وطن کے امریکہ میں داخلے پر پابندی عائد کردی تھی۔
ٹرمپ کے حکم نامے کے فوری بعد بانا نے ٹوئٹ میں کہا تھا کہ ”معزز ٹرمپ پناہ گزینوں پر پابندی عائد کرنا غلط بات ہے ، ہاں اگر صحیح ہے تو ‘ میرا پاس آپ کے لئے ایک تجویز ہے کہ دیگر ممالک کو پرامن بنائیں۔”
To @realdonaldtrump: Dear Trump, banning refugees is very bad. Ok, if it’s good, I have an idea for you. Make other countries peaceful.
— Bana Alabed (@AlabedBana) January 25, 2017
یاد رہے کہ سات سالہ شامی معصوم بچی بانا الاحد جو اس وقت بین الاقوامی سطح پر سب کی توجہ کا مرکز بن گئی تھی جب اُس نے ٹوئٹر کے ذریعہ شام کے شہر حلب میں جاری جنگ کاالمناک منظر پیش کیا تھا۔
بانا العابد اپنی ماں فاطمہ کی مدد سے شام کے شہر حلب سے جنگ کے دوران جذبات ٹوئٹس کرتی رہی ہیں اور اس کے ٹوئٹر پر 366,000 فالووورز ہیں۔