پشاور : افغان خاتون شربت گلہ لئی نے پاکستان میں قیام کرنے کی پیشکش قبول کرنے سے انکار کرتے ہوئے پاکستان میں رہنے سے معذرت کرلی، شربت گلہ نے اپنے وطن واپس جانے کیلئے صوبائی حکومت کو درخواست دیدی جسے منظور کرلیا گیا ہے۔
تفصیلات کے مطابق اپنی سبز آنکھوں سے عالمی شہرت حاصل کرنے والی افغان خاتون شربت گلہ لئی افغانستان واپس افغانستان جانا چاہتی ہے۔ جس کیلیے شربت گلہ نے کے پی کے حکومت کو باقاعدہ درخواست جمع کرا دی ہے۔
یاد رہے 26 اکتوبر کو پشاور کے علاقے نوتھیہ میں ایف آئی اے نے کاروائی کرکے شربت بی بی کو گرفتار کیا تھا، جس پر غیر قانونی طریقے سے پاکستانی شناختی کارڈ بنانے کا الزام ہے۔
ایف آئی اے کے مطابق شربت بی بی نے اپنی دو بیٹیوں کے بھی جعلی شناختی کارڈ بنوائے تھے۔ پشاور کی مقامی عدالت نے پندرہ دن قید کی اور سوا لاکھ جرمانہ کی سزا سنائی اور سزا ملکمل ہونے کے بعد ملک بدرکرنے کا حکم بھی دیا۔
بعد ازاں کے پی کے حکومت نے انسانی ہمدردی کے تحت شربت گلہ کو پاکستان میں رہنے کی اجازت دیدی مگرشربت گلہ نے پیشکش قبول کرنے سے انکار کردیا۔
شربت گلہ نے کے پی کے حکومت کو درخواست دی ہے کہ اسے واپس افغانستان بھیج دیا جائے۔ اس کے علاوہ افغان حکومت نے بھی شربت گلہ کی واپسی کی درخواست کی ہے۔
مزید پڑھیں: افغان خاتون شربت گلہ بی بی کو 15دن قید اور 1لاکھ 10ہزارروپے جرمانے کی سزا
محکمہ داخلہ کے پی کے نے شربت گلہ کے افغان جانے کی درخواست منظور کرلی، صوبائی محمکہ داخلہ نے شربت گلہ کو عزت سے افغانستان بھیجنے کے احکامات جاری کردیئے، شربت گلہ کی پندرہ روز قید کی سزا نو نومبر کو پوری ہوگی۔
