حلب: شامی شہر حلب میں 3روزہ جنگ بندی کے خاتمے کےبعد روس کی جانب سے ایک بار پھر حلب پر شدید بمباری کا سلسلہ شروع ہوگیا۔
تفصیلات کےمطابق روس نے تین روز قبل حلب میں انسانی بنیادوں پرجنگ بندی کااعلان کیاتھاجس کےبعد ایک بار پھر روس کی فضائیہ نےحلب میں حزب اختلاف کے علاقوں پر شدید بمباری کی۔
خیال رہےکہ جمعےکواقوام متحدہ کاکہناتھاکہ حفاظت کی یقین دہانی نہ ہونے کے باعث شہر میں موجود بیمار یا زخمی افراد کو نکالے جانے کے منصوبے پر عمل درآمد نہیں کیا جا سکا۔
مزید پڑھیں:حلب پر روسی فضائیہ کی بمباری،150افراد جاں بحق
یاد رہے کہ گزشتہ ہفتے روسی فضائیہ کی شام میں حلب اوراطراف پربمباری کےنتیجےمیں دو دن کے دوران کم از کم150 شہری جاں بحق اوردرجنوں زخمی ہوگئے تھے۔
شامی شہر حلب پر یہ بمباری ایک روز بعد کی گئی جب امریکہ اور روس نے شامی تنازعےسےمتعلق رواں ماہ معطل ہونے والے مذاکرات دوبارہ شروع کرنے کا اعلان کردیاتھا۔
مزید پڑھیں: حلب میں انسانیت کے خلاف جرائم روکے جائیں،جان کیری
واضح رہے کہ گزشتہ ہفتےامریکہ نے روس اور شام کو خبردار کیا تھاکہ اگرحلب میں بمباری نہ رکی تو دونوں ممالک پر نئی اقتصادی پابندیاں عائد کی جاسکتی ہیں۔
