تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

صحت پروگرام ان لوگوں کیلئے ہے جو علاج کی استطاعت نہیں رکھتے، وزیراعظم

رحیم یار خان : وزیراعظم نواز شریف نے غریب ومستحق افراد کیلئے علاج کی اسکیم کا اعلان کرتے ہوئے کہا کہ یہ پروگرام ان لوگوں کیلئے ہے جو علاج کی استطاعت نہیں رکھتے۔

رحیم یار خان میں قومی صحت پروگرام کے اجرا کی تقریب سے خطاب کرتے ہوئے وزیراعظم نواز شریف نے کہا کہ ملک کے کئی شہروں میں صحت پروگرام شروع کئے ہیں، یہ پروگرام ان لو گوں کیلئے ہے جو علاج کی استطاعت نہیں رکھتے۔

وزیراعظم نے کہا کہ ایسے پروگرام ہماری ترجیحات ہونی چاہیے، رحیم یار خان کے ڈھائی لاکھ لوگ اس پروگرام میں رجسٹرڈ ہیں، مستحق مریض کے علاج پر حکومت3لاکھ روپے اداکریگی۔

خطاب کے دوران وزیراعظم بیماروں کے علاج کے ذکر پر آبدیدہ ہوگئے، انھوں نے کہا کہ کچھ لوگ علاج کیلئے اپنی جائیدادیں بیچ دیتے ہیں اور ایسے لوگ بھی ہیں جن کے پاس اسپتال پہنچنے کیلئے پیسے نہیں ہوتے، کسی مریض کو مزید رقم کی ضرورت ہو تو بیت المال سے 3 لاکھ ادا کئے جائیں گے۔

حکمرانوں کو ایسے پروگرامز پر توجہ دینی چاہیئے

نواز شریف نے کہا کہ ملک بھر میں 50نئے اسپتال قائم کئے جائیں گے ، صحت پروگرام جیسے منصوبوں کی قوم کو اشد ضرورت ہیں، صحت پروگرام میں تمام بیماریوں کو کور کیا جاتا ہے، حکمران آتے ہیں اور چلے جاتے ہیں، کسی نے صدا یہاں نہیں رہنا، حکمرانوں کو ایسے پروگرامز پر توجہ دینی چاہیئے۔

انھوں نے کہا کہ غریب لوگ قرضہ لیتے ہیں تو قرضہ اتارنے کی سکت نہیں رکھتے، یہ پروگرام انکے لئے ہیں، جو اپنا علاج کرانے کی طاقت نہیں رکھتے۔

 سن 2018میں بجلی کا بحران ختم اور بجلی سستی ہوگی

وزیر اعظم نے کہا کہ صحت ایسا معاملہ ہے جس پر سیاست نہیں ہونی چاہیے، ہم جب حکومت میں آئے تو ملک میں بجلی کا بحران تھا، ہماری حکومت نے دہشت گردی کے خاتمے کا عزم کیا ہے۔

انکا مزید کہنا تھا کہ 2018 میں بجلی کا بحران ختم اور بجلی سستی ہوگی جبکہ 2019 میں رحیم یار خان کا موٹر وے مکمل ہوجائے گا۔

Comments

- Advertisement -