ویلز: پاکستان کی افواج نے اقوامِ عالم کے درمیان میں ایک بار پھر اپنا لوہا مواتے ہوئے سالانہ عالمی ملٹری پٹرولنگ ایکسرسائز میں گولڈ میڈل اپنے نام کرلیا ہے۔
تفصیلات کے مطابق برطانوی ریاست ویلز میں ہونے والی ’ ایکسرسائز کیمبرین پٹرول‘ کے نام سے ہونے والی مشقوں میں حصہ لینے والی پاک فوج کی ٹیم نےطلائی تمغہ حاصل کرلیا ہے۔
کیمبرین پٹرول کا شمار دنیا کی مشکل ترین فوجی مشقوں میں ہوتا ہے جس میں حصہ لینے والے فوجیوں کو مشکل ترین حالات میں انتہائی دشواریوں کا سامنا کرنے کی مشقیں کرنا ہوتی ہیں۔
ویلز آرمی نے اپنے ٹویٹ میں کہا ہے کہ ’’ پاکستان ایک بار پھر سرِ فہرست رہا ۔ ہر سال یہ پہلے سے زیادہ عمدہ پرفارمنس کا مظاہرہ کرتے ہیں ۔ ایک اور مشکل گزارطلائی تمغہ پاک فوج کے نام‘‘۔
And top marks again for Pakistan. Year after year they deliver a polished performance. Another hard-earned gold medal. #CambrianPatrol pic.twitter.com/Ac3HgPM6le
— The British Army in Wales (@ArmyInWales) October 19, 2016
گزشتہ سال بھی دنیا کے 140 ممالک کو شکست دے کر پاکستانی فوج کی ٹیم‘ رائل نیوزی لینڈ آرمی کے ساتھ مشترکہ طور پر پہلے نمبر پر براجمان تھی جبکہ بھارت چاندی کا تمغہ جیت کر دوسرے نمبر پر تھا۔
واضح رہے کہ یہ مشقیں دنیا بھر میں انتہائی اہم تصور کی جاتی ہیں جن میں 140 ممالک حصہ لیتے ہیں اور ان کا انعقاد ویلز ہیڈ کوارٹر اور 160 انفنٹری بریگیڈ کی جانب سے کیا جاتا ہے۔کیمبرین پٹرول نامی ان مشقوں کا آغاز دور دراز کے علاقوں میں حملہ کرنے والے فوجیوں کی استعداد بہتر بنانے کے لیے 1959 میں کیا گیا تھا۔
