تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

نوکیا کا کم قیمت خصوصی موبائل متعارف

فن لینڈ: موبائل فون بنانے والی معروف کمپنی نوکیا نے نیا موبائل فون متعارف کروایا ہے جو ماضی کے فونز کی طرح عام ہے تاہم اس کو ایک خاص خصوصیت موجود ہے جو ہر صارف کی ضرورت ہے۔

تفصیلات کے مطابق  نوکیا کے نام کی نئی مالک ایچ ڈی ایم نامی کمپنی نے نوکیا 150 اور نوکیا 150 ڈوئل سم موبائل فون پیش کرنے کا اعلان کیا ہے جو کہ نوکیا 216 جیسا ہے جو رواں سال ستمبر میں متعارف کرایا گیا تھا۔

مائیکروسافٹ سے معاہدے کے بعد نوکیا کی جانب سے آخری ماڈل 216 متعارف کروایا گیا تھا تاہم اس بار مارکیٹ میں فروخت کے لیے پیش کیے جانے والے موبائل میں خاص بات یہ ہے کہ اس کی بیٹری دیگر ڈیوائسس کے مقابلے میں جاندار ہے۔

نوکیا کی جانب سے نئے فون 150 کی دو اقسام مارکیٹ میں فروخت کے لیے پیش جائیں گی جس میں ایک ڈیوائس کو ڈوئل سم کے ساتھ بنایا گیا ہے تاہم دونوں میں ایک مشترکہ خصوصیت ہے کہ اس کی بیٹری میں 22 گھنٹے لگاتار بات کرنے کی سہولت ہے۔

نوکیا کی جانب سے نئے موبائل فون کی بیٹری 31 دن تک اسٹینڈ بائی پر رہ سکتی ہے جبکہ اس کی اسکرین 24 انچ کی بنائی گئی ہے تاہم دیگر فیچرز میں فزیکل پیڈ‘ ایف ایم ریڈیو‘ ایم پی تھری پلئیر‘ گیمز اور ای ای ڈی فلیش کے ساتھ وی جے کیمرہ بھی شامل ہیں۔

ایچ ڈی ایم کی جانب سے جاری بیان کے مطابق یہ موبائل فون صارفین کی جانب سے اچھے معیار، کم قیمت اور استعمال میں آسانی جیسے مطالبات کو پیش نظر رکھ متعارف کرایا جارہا ہے۔

نوکیا کی اس ڈیوائس کی قیمت 26 ڈالرز مقرر کی گئی ہے جو پاکستانی کرنسی کے حساب سے 27 سو روپے بنتی ہے ‘ پاکستان اور بھارت میں اس موبائل کو فروخت کے لیے آئندہ ماہ پیش کیا جائے گا۔

Comments

- Advertisement -