لندن : امریکی صدر منتخب ہوتے ہی ڈونلڈ ٹرمپ کی ویب سائٹ سے مسلمانوں پرپابندی سے متعلق بیان ہٹادیا گیا لیکن ڈونلڈ ٹرمپ کے ٹوئٹر پر وہ بیانات اب بھی موجود ہے۔
تفصیلات کے مطابق برطانوی اخبار کے مطابق ڈونلڈ ٹرمپ کی جانب سے مسلمانوں کے داخلے پر پابندی سے لگائے جانے والا بیان 8 نومبر کی صبح تک ٹرمپ کی ویب سائٹ پر موجود تھا، جسے ہی ٹرمپ منتخب ہوئے تو وہ بیان ویب سائٹ سے ہٹا دیا گیا۔
نئے امریکی صدر ڈونلڈٹرمپ نے دسمبر 2015 کو امریکا میں مسلمانوں کے داخلے پر پابندی لگانے اورامریکا میں رہائش پذیر مسلمانوں کی جانچ پڑتال سخت کرنے کا مطالبہ کیا تھا۔
مسلمانوں پر پابندی کے بیان کے کچھ ہی دیر بعد ٹرمپ نے ٹویٹ کرکے بیان کو ایک پالیسی بیان قرار دیا۔
دلچسپ بات یہ ہے کہ نئے منتخب امریکی صدر ڈونلڈ ٹرمپ کی ویب سائٹ سے تو مسلمانوں پر امریکہ میں پابندی کا بیان ہٹادیا گیا لیکن ڈونلڈ ٹرمپ اپنے ٹوئیٹر سے بیان ہٹانا بھول گئے۔
Statement on Preventing Muslim Immigration: https://t.co/HCWU16z6SR pic.twitter.com/d1dhaIs0S7
— Donald J. Trump (@realDonaldTrump) December 7, 2015
واضح رہے کہ ڈونلڈ ٹرمپ نے ایک ریلی سے خطاب کے دوران کہا تھا کہ مسلمانوں میں امریکا کے خلاف نفرت پائی جاتی ہے، جس کے باعث امریکا میں مزید حملے ہوسکتے ہیں، اس لیے جب تک اس نفرت کی وجوہات معلوم نہیں کرلی جاتیں اُس وقت تک امریکا میں مسلمانوں کے داخلے پر مکمل پابندی ہونی چاہیے، ہمارا ملک ان لوگوں کے ہولناک حملوں کا نشانہ نہیں بن سکتا، جو صرف جہاد پر یقین رکھتے ہیں۔
.@realDonaldTrump calls for "a total and complete shutdown of Muslims entering” the U.S. after #SanBernadino. pic.twitter.com/opc01qTlvv
— Washington Week (@washingtonweek) December 7, 2015
صدارتی امیدوار ڈونلڈ ٹرمپ کا کہنا تھا کہ صدر منتخب ہونے کی صورت میں فوری طور پر غیر قانونی تارکین وطن کو ملک بدر کردوں گا اور ملک میں ایگزٹ اور انٹری کے لیے ٹریکنگ سسٹم نافذ کیا جائے گا، نئے نظام کے تحت ویزا ختم ہونے کے بعد قیام کرنے والوں کی نشاندہی ہوسکے۔
مزید پڑھیں : ڈونلڈٹرمپ نے امریکا میں مسلمانوں کی آمد پر پابندی کا مطالبہ کردیا
خیال رہے کہ ڈونلڈ ٹرمپ کو مسلمانوں کے امریکا میں داخلے پرپابندی کے بیان پر دنیا بھرسے شدید تنقید کا سامنا کرنا پڑا تھا، ڈونلڈ ٹرمپ پیرس حملوں کے بعد سے مسلمانوں کے امریکا میں داخلے پرپابندی کے بیانات دیتے رہے ہیں۔
یاد رہے کہ ڈونلڈ ٹرمپ ہیلری کلنٹن کوشکست دے کر گذشتہ روز امریکا کے صدرمنتخب ہوئے ہیں۔
