واشنگٹن: امریکی ریاست اوکلا ہوما کی اسٹیٹ یونیورسٹی میں کی گئی ایک تحقیق کے مطابق آم کینسر اور موٹاپے سے متعلق امراض کی روک تھام میں بھی مدد فراہم کرتا ہے۔
تحقیق کے مطابق پھلوں کا بادشاہ آم غیر صحت بخش غذاﺅں کے مضر اثرات کو کم اور چربی کا باعث بننے والے خلیات کو ختم کرتا ہے۔ اسی طرح آم کا استعمال انسانوں میں آنتوں کی سرگرمی کو بڑھاتا ہے اور قبض کے خلاف بھی مؤثر ثابت ہوتا ہے۔
فائبر، وٹامنز، معدنیات، اینٹی آکسیڈنٹس اور چربی گھلانے والے عناصر سے بھرپور آم صحت کے لیے نقصان دہ غذاﺅں کے استعمال کے اثرات کو کم کر کے موٹاپے میں کمی لانے میں مدد دیتا ہے۔
تعلیم یافتہ افراد میں دماغی کینسر کا زیادہ امکان *
تحقیق کے لیے چوہوں پر تجربات کیے گئے تھے جس سے پتہ چلا کہ آم کے استعمال سے بریسٹ کینسر کے بڑھنے کی شرح میں کمی آئی۔ تاہم اس حوالے سے مزید تحقیق کی ضرورت ہے۔
ٹیکساس کی ایک یونیورسٹی میں اسی طرح کی ایک تحقیق میں بتایا گیا کہ آم میٹا بولزم کو بہتر بناتا ہے جس سے موٹاپے کی روک تھام اور اس سے متعلقہ امراض سے بچنے میں مدد مل سکتی ہے۔
سورج کی کرنیں موٹاپا کم کرنے میں مددگار *
تحقیق میں مزید بتایا گیا کہ آم میں پائے جانے فائبر کی بدولت قبض کے شکار افراد کی حالت میں بہتری لائی جاسکتی ہے۔ خاص طور پر اکثر پیٹ کے اس مرض کے شکار افراد کی آنتوں میں ورم پیدا ہوجاتا ہے جس میں کمی کے لیے یہ پھل مفید ثابت ہوسکتا ہے۔
