تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

لیاری: رینجرز کی کارروائی میں‌ گینگ وار کمانڈر بابا لاڈلا ہلاک

کراچی : کراچی کےعلاقےلیاری میں رینجرز کی کارروائی کےدوران گینگ وار کامطلوب کمانڈر نورمحمد عرف بابا لاڈلا 2ساتھیوں سمیت ہلاک ہوگیا۔

تفصیلات کےمطابق رینجرز نے خفیہ اطلاع پر لیاری کے علاقے پھول پتی لین میں چھاپہ ماراتوگینگ وار سے تعلق رکھنے والےملزمان نے اہلکاروں پر فائرنگ کردی۔

فائرنگ کے تبادلے میں ایک رینجرز اہلکار زخمی ہوگیا،رینجرز کی جوابی فائرنگ میں تین گینگ وار ملزمان ہلاک ہوئے۔بابالاڈلہ لیاری گینگ وار کا اہم کردار تھا اور74سے زائدا وارداتوں میں مطلوب تھا۔

ترجمان سندھ رینجرز کےمطابق لیاری کے علاقے پھول پتی لین میں گینگ وارکمانڈربابالاڈلا2ساتھیوں سمیت ماراگیا،دیگرہلاک ملزمان میں سکندرسکواورمحمدیاسین عرف ماماشامل ہیں۔

رینجرزنےبابالاڈلاسےمتاثرہوکرجرائم میں ملوث نوجوانوں کےلیےپیغام میں کہا ہےکہ بابالاڈلاکی ہلاکت ایسےعناصرکےلیےایک مثال ہے۔

رینجرزسندھ کےترجمان کا کہناہےکہ جرائم میں ملوث افرادقانون کی گرفت سےنہیں نکل سکتے،رینجرزایسےعناصرکےخلاف سخت اورفوری کارروائی جاری رکھےگی۔

خیال رہے کہ نورمحمد عرف بابا لاڈلہ کے سر کی قیمت 25لاکھ روپے مقررتھی اور وہ کراچی آپریشن کے آغاز سےمفرورتھا۔ماضی میں بابا لاڈلہ کی گرفتاری اور پولیس مقابلے میں ہلاکت کی اطلاعات سامنے آتی رہی ہیں۔

یاد رہے کہ بابا لاڈلہ کے خلاف لیاری کے مختلف تھانوں میں قتل، اقدام قتل اور بھتہ خوری سمیت دیگر سنگین نوعیت کے مقدمات درج ہیں۔

واضح رہےکہ گذشتہ سال 7 اگست کو بھی لیاری گینگ وار کے اہم کمانڈر بابا لاڈلا کے پاک ایران سرحدی علاقے میں ہلاک ہونے کی اطلاع آئی تھی تاہم بلوچستان کی صوبائی حکومت نے واقعے کی تصدیق نہیں کی تھی۔

Comments

- Advertisement -