تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیر اعظم نواز شریف کی اوپن ہارٹ سرجری کامیاب

لندن: وزیر اعظم کی صاحبزادی مریم نواز نے ٹویٹ کیا ہے کہ وزیر اعظم کی سرجری کامیاب ہوگئی ہے اور انہیں ایک گھنٹے میں آئی سی یو میں منتقل کردیا جائے گا۔

اس سے قبل وزیر اعظم کی صاحبزادی مریم نواز نے ٹویٹ کرتے ہوئے کہا تھا کہ دل کی پیوند کاری کامیابی سے مکمل ہوچکی ہے۔ آپریشن
کو مکمل ہونے میں مزید 60 سے 90 منٹ لگیں گے۔


وزیر اعظم نواز شریف نے آپریشن تھیٹر جانے سے قبل والدہ کو فون کر کے اپنی صحت سے متعلق آگاہ کیا اور کہا کہ ماں جی میرے لیے دعا کریں۔

وزیر اعظم میاں محمد نواز شریف 22 مئی کو طبی معائنے کے لیے لندن روانہ ہوئے تھے۔ وزیر اعظم کی اہلیہ کلثوم نواز اور صاحبزادے حسین نواز بھی ان کے ہمراہ تھے۔ لندن روانگی سے قبل لاہور ائیرپورٹ پر وزیر اعظم سے ان کے بھائی اور پنجاب کے وزیر اعلیٰ میاں محمد شہباز شریف نے ملاقات کی تھی اور موجودہ سیاسی حالات پر تبادلہ خیال کیا تھا۔ وزیر اعظم کے ٹیسٹ کرنے کے بعد برطانوی ڈاکٹروں نے فوری طور پر اوپن ہارٹ سرجری کی ہدایت کی تھی۔

وزیر اعظم نے گذشتہ روز لندن سے اسلام آباد میں ہونے والے قومی اقتصادی کونسل کے اجلاس کی صدارت بذریعہ ویڈیو لنک کی تھی۔ اجلاس میں 1675 ارب روپے کے ترقیاتی بجٹ کی منظوری دی گئی تھی۔

اجلاس سے خطاب کرتے ہوئے نواز شریف کا کہنا تھا کہ پاکستان کا مستقبل انتہائی روشن دیکھ رہا ہوں۔ صوبوں کی ترقی کے لیے تمام وسائل بروئے کار لائیں گے۔ وزیر اعظم نے اپنے خطاب میں آئندہ مالی سال کے بجٹ کے 1 سے 8 نمبر تک کی تمام تجاویز منظور کی تھیں۔

اس موقع پر وزرائے اعلیٰ قائم علی شاہ، ثناء اللہ زہری، پرویز خٹک اور گورنر خیبر پختونخوا اقبال ظفر جھگڑا اور قومی اقتصادی کونسل کے شرکا نے وزیر اعظم کی جلد صحتیابی کے لیے دعا کی اور اپنی نیک خواہشات کا اظہار کیا تھا۔

* نواز شریف کا بھارتی وزیر اعظم نریندر مودی سے ٹیلی فونک رابطہ

وزیر اعظم کے معاون خصوصی مصدق ملک کے مطابق سرجری کے بعد وزیر اعظم کو ایک دن بعد کمرے میں شفٹ کردیا جائے گا۔ انہوں نے بتایا کہ وزیر اعظم نواز شریف مزید ایک ہفتہ تک لندن میں قیام کریں گے۔

مصدق ملک نے کہا کہ وزیر اعظم کی وطن واپسی کا فیصلہ بعد میں ڈاکٹرز کی مشاورت سے کیا جائے گا۔ وزیر اعظم نے طبیعت کی خرابی کو اپنے فرائض میں رکاوٹ نہیں بننے دیا۔

مصدق ملک نے کہا کہ وزیر اعظم کی صحت کے لیے دعائیں کرنے پر پوری قوم کے مشکور ہیں۔

یاد رہے کہ وزیر اعظم نواز شریف طبیعت کی ناسازی کے باعث اپنے طبی معائنے کے لیے کچھ روز قبل لندن روانہ ہوئے تھے جہاں طبی رپورٹ آنے کے بعد ڈاکٹرز نے انہیں فوری طور پر اوپن ہارٹ سرجری کروانے کی ہدایت کی تھی۔

سرجری شروع ہونے سے قبل وزیر اعظم نواز شریف نے پارٹی رہنماؤں اور کارکنوں کو اسپتال نہ آنے کی ہدایت کی تھی۔ وزیر اعظم کا کہنا تھا کہ کارکنوں کے اسپتال آنے سے مریضوں کو پریشانی ہوگی۔

Comments

- Advertisement -