کراچی: جنوبی کوریا کی جانب سے پاکستان میں تعلیم عام کرنے کیلئے ایک مہم کے تحت تعلیم اداروں میں نصب کرنے کے لیے دس سولر انرجی سسٹم نجی ادارے کے حوالے کر دیے۔
تفصیلات کے مطابق پاکستان کے دورے پر آئے ہوئے کورین کمپنی کے نمائندوں اورکورین ٹریڈ کمیشن کے ڈائریکٹر نے نجی ادارے کو ایک تقریب میں تعلیمی اداروں کے لیے شمسی توانائی سے بجلی بنانے والا سسٹم انتظامیہ کے حوالے کیے۔
اس موقع پر کوٹرا کے ڈا ئریکٹر کا کہنا تھا کہ پاکستان کے تعلیمی اداروں کے لیے مستقبل میں بھی تعلیم کے فروغ کے لیے تعاون جاری رہے گا، ہم پاکستان میں تعلیم کے فروغ میں اپنا کردار ادا کرتے رہیں گے۔
یاد رہے سولر سسٹم شمسی توانائی سے بجلی پیدا کرنے کی صلاحیت رکھتا ہے۔ پاکستان جہاں سورج سارا سال اپنی آب و تاب کے ساتھ چمکتا ہے یہ سسٹم ملک کے لیے بہت ثود مند ہے۔
پاکستان جہاں بجلی کی لوڈشیڈنگ کے مسائل عام ہے وہیں اس سسٹم کے نصب کیے جانے سےاس سنگین مسئلے پر باآسانی قابو پایا جاسکتا ہے۔
