پشاور : صوبہ خیبر پختونخواہ کے دور اُفتادہ علاقے کوہستان کے ایک گاؤں گادر میں چار لڑکیوں کی ویڈیو اور مبینہ طور پر انہیں قتل کرنے کا واقعہ ایک معمہ بن چکا ہے اور عدالتی احکامات کی روشنی میں کوہستان ویڈیو اسکینڈل تحقیقات دوبارہ شروع کر دی گئی ہیں۔
اعلٰی سطح کمیشن نے آج اپنا دورہ کوہستان مکمل کر دیا ہے سرکاری حکام نے اے آر وائی نیوز کو بتایا کہ آج سے تقریبا 4سال قبل چار لڑکیوں کی ویڈیو اور مبینہ طور پر انہیں قتل کرنے کا واقعے کے بعد عدالتی احکامات کی روشنی میں تحقیقات کا آغاز کر دیا گیا ہے۔
مزید پڑھیں : کوہستان ویڈیو اسکینڈل کیس کی سماعت پرفیصلہ محفوظ
اس حوالے سے کوہستان کے ڈی پی او، سیشن جج، خاتون پولیس آفیسر اور مقامی ڈی ایس پی پر مشتمل کمیشن نے کوہستان کا دورہ کیا کمیشن نے چلاس کے علاقے گادر میں مقامی لوگوں سے ملاقاتیں کی اور بیانات قلمبند کیے، کمیشن اپنی رپورٹ مرتب کر کے اعلٰی حکام کے سامنے پیش کرے گا۔
