تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کابل : خود کش حملے میں 14 افراد جاں بحق 24 سے زائد زخمی

کابل : افغانستان کے دارالحکومت میں مزار پر حملے میں 14افراد مارے گئے ہیں جبکہ 24 افراد زخمی ہوئے ہیں۔ سیکیورٹی فورسز نے تین حملہ آوروں کو موت کے گھاٹ اتار دیا۔

افغان میڈیا سے جاری اطلاعات کے مطابق فوجی وردیوں میں ملبوس دہشت گردوں نے کابل میں قائم مزار میں خود کش حملہ کیا جس کے نتیجے میں وہاں موجود چار افراد نے موقع پر ہی دم توڑ دیا جبکہ سانحہ میں تاحال 24 افراد کے زخمی ہونے کی اطلاعات ہیں۔

ہلاک ہونے والوں میں پولیس اہلکار بھی شامل ہیں، سیکیورٹی فورسز نے مزار میں موجود زائرین کو یرغمال بنانےکی کوشش ناکام بنا دی، تین حملہ آور ہلاک ہوگئے۔

افغان وزارت داخلہ کا کہنا ہے کہ حملہ آوروں نے فوجی وردیاں پہن رکھی تھیں، افغان پولیس چیف کا کہنا ہے کہ حملہ آوروں نے مزارکے گیٹ پرسیکیورٹی گارڈ پر فائرنگ کی،ایک حملہ آور نے خود کش حملہ کیا دوسرا مقابلے میں ماراگیا ہے۔

 

Comments

- Advertisement -