موصل : عراقی فوج نے موصل کے قریب چار دیہات داعش کے قبضے سے آزاد کروالیے جس کےبعد داعش کے قبضے سے اب تک50سے زائد دیہاتوں کو آزادکرایا جاچکا ہے۔
تفصیلات کےمطابق عراقی فوج نے موصل کے نزدیک چار دیہات کوداعش سےآزادکرالیا۔لڑائی کےدوران فائرنگ کی زد میں آکرایک مقامی صحافی اورکیمرہ مین جان کی بازی ہار گئے۔لڑائی کےآغازسےاب تک پانچ ہزارسے زائد افرادعلاقےسےنقل مکانی کرچکےہیں۔
عراقی افواج کی موصل میں داعش کے خلاف پیش قدمی آج چھٹے روز بھی جاری ہے،عراقی فوج موصل کے جنوب سے آگے بڑھنے کی کوشش کر رہی ہے جبکہ کرد فورسز مشرق اور شمالی علاقوں میں محاذ سنبھالے ہوئے ہیں۔
موصل اور اطراف کے علاقوں میں داعش کے ٹھکانوں پر بمباری کی جارہی ہے،عراقی فورسز نے موصل کے جنوب میں 17دیہات اور تیل کے چھپن کنوؤں سے داعش کو نکال کر وہاں کا کنٹرول دوبارہ سنبھال لیاہے۔
دوسری جانب داعش نے موصل کے نزدیک قیارہ گندھک کے پلانٹ کو آگ لگادی ہے جس سے اٹھنے والے زہریلے بخارات سے بچاؤ کے لیے قیارہ ایئرفیلڈ میں موجود امریکی فوجیوں نے حفاظتی ماسک پہن لیے ہیں۔
خیال رہے کہ داعش کے خلاف اس بڑی کارروائی کا جائزہ لینے امریکی وزیردفاع بھی عراق پہنچ گئے ہیں۔
مزید پڑھیں:عراقی فوج کا داعش کے خلاف موصل میں آپریشن
واضح رہے کہ چھ روز قبل عراقی وزیراعظم حیدرالعبادی کاکہنا تھاکہ اب داعش کے خلاف فیصلہ کن کارروائی کاوقت آگیا ہےاور ہم عوام کو داعش کے ظلم اور دہشت گردی سے نجات دلا کر رہےگیں۔
