تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بھارتی وزیراعظم نریندر مودی کا سندھ طاس معاہدے پر نظر ثانی کیلئے اجلاس طلب

نئی دہلی : بھارت پاکستان کاپانی روکنے کی تیاریاں کرنے لگا، نریندر مودی نے سندھ طاس معاہدے پر نظر ثانی کیلئے اجلاس طلب کرلیا ہے۔

تفصیلات کے مطابق سفارتی محاذ پر چاروں شانے چت ہونے کے بعد بھارت اوچھے ہتھکنڈوں پر اتر آیا، مودی سرکار نے پانی کو ہتھیار بنانے کی تیاری کرلی ہے، بھارتی نیتا چھپن سال قبل ہونے والے سندھ طاس معاہدہ ختم کرنے کیلئے سرجوڑ کر بیٹھ گئے۔

اڑی حملے پر پاکستان کے دو ٹوک ردعمل کے بعد مودی جنگ سے تو پیچھے ہوگئے مگر پاکستانی دریاؤں کا پانی روکنے کیلئے سوچ بچار شروع کردی ہے، بھارتی وزارت خارجہ نے نریندر مودی کو سندھ طاس معاہدے پر بریفنگ دی۔

بھارتی میڈیا نے دعویٰ کیا ہے کہ مودی سندھ طاس معاہدہ ختم کرسکتے ہیں۔

دوسری جانب انتہاپسندوں نے سندھ طاس معاہدے کے خلاف بھارتی سپریم کورٹ میں پٹیشن بھی دائرکردی، پٹیشن میں عدالت سے سندھ طاس معاہدہ کو غیرقانونی قرار دینے کی استدعا کی گئی ہے۔

بھارتی سپریم کورٹ نے پٹیشن کی فوری سماعت کی درخواست مسترد کردی۔


مزید پڑھیں : سندھ طاس معاہدہ،پاکستان کا عالمی ثالثی عدالت سے رجوع کرنے کافیصلہ


یاد رہے رواں سال جولائی میں پاکستان اور ہندوستان کے درمیان 1960 میں ہونے والے سندھ طاس معاہدہ کے حوالے سے مذاکرات ناکام ہونے پر پاکستان نے عالمی ثالثی عدالت سے رجوع کرنے کا فیصلہ کیا تھا۔

وفاقی وزیر خواجہ آصف کا کہنا تھا کہ پاکستان کو ہندوستان کے کشن گنگا اور رینٹل ہائیڈو پاور منصوبوں پر تحفظات ہیں، پاکستان گذشتہ ڈھائی برس سے ہندوستان کے ساتھ اس تنازع کو حل کرنے کے لیے مذاکرات کررہا ہے لیکن اب تک اس میں کوئی پیش رفت نہیں ہوئی۔

Comments

- Advertisement -