سیول : جنوبی کوریا میں لاکھوں افراد کا صدر پاک گن سے استعفے کے لیے دارالحکومت سیول میں مظاہرہ جاری ہے۔
تفصیلات کےمطابق جنوبی کوریا کی تاریخ میں اس مظاہرے کو اب تک کا سب سے بڑا مظاہرہ سمجھا جارہا ہے جس میں لاکھوں افراد صدر کے استعفے کا مطالبہ کررہے ہیں۔
جنوبی کوریا کے دارالحکومت سیول میں ہفتے کی رات سرد موسم اور برفباری کے باوجود صدر مخالف مظاہرے میں 13 لاکھ افراد شریک ہوئے۔
خیال رہے کہ جنوبی کوریا کی صدر پارک گن نے اپنی سہیلی چوئی سون سل کو سکیورٹی کلیئرنس نہ ہونے کے باوجود سرکاری دستاویزات دیکھنے کی اجازت دی تھی۔
جنوبی کوریا کی صدر پارک گن ٹی وی پر قوم سے دو بار معافی مانگ چکی ہیں تاہم انہوں نے استعفیٰ دینے سے انکارکردیا ہے۔
جنوبی کوریا کے مقامی میڈیا کے مطابق دارالحکومت سیول میں 25 ہزار افسران کو تعینات کیا جا رہا ہے۔
یاد رہے کہ دارالحکومت سیول میں ہفتے کی رات کیے جانے والے مظاہروں میں کسان، بدھ مت کے راہبوں اور یونیورسٹی کے طلبہ شامل تھے۔
واضح رہے کہ ان مظاہروں کو1980 کی دہائی کی جمہوریت نواز مظاہروں کے بعد سب سے بڑا مظاہرہ قرار دیا جا رہا ہے۔
