تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

اٹلی زلزلہ، ملبے تلے دبے افراد کی زندہ بچ جانے کی امیدیں دم توڑگئیں

اٹلی کے وسطی حصے میں بدھ کو آنے والے شدید زلزلے میں ہلاک ہونے والے افراد کی تعداد 267 سے تجاوز کر گئی ہے اور ملبے تلے دبے افراد کے زندہ بچنے کی امید کم ہوتی جا رہی ہے۔

تفصیلات کے مطابق اٹلی کے وسطی علاقے میں آنے والے تباہ کن زلزلے کے بعد تین 367 لوگوں کو نہایت تشویشناک حالت میں اسپتال لایا گیا جن میں 267 افراد جانبر نہ ہو سکے تھے جب کہ بقیہ افراد تا حال زیر علاج ہیں۔

تا ہم افسوسناک اطلاعات یہ ہیں کہ بدھ کی رات سے اب تک ملبے تلے دبے ہوئے افراد مردہ حالت میں اسپتال لائے جارہے ہیں جس کے بعد سے ملبے کے اندر دبے افراد کی زندہ بچ جانے کی امیدیں دم توڑ گئی ہیں۔

italy4

 

بین الاقوامی خبر رساں ایجینسی کے مطابق امدادی کارکن سونگھنے والے کتوں کی مدد سے ملبے میں پھنسے ہوئے لوگوں کا پتہ لگانے کی کوشش کر رہے ہیں لیکن امدادی کارروائی کرنے والے ادارے کے سربراہ بھی ملبے تلے دبے افراد کے زندہ ہونے کے امکانات سے مایوس ہو چکے ہیں۔

italy1

واضح رہے حکام نے زلزلے سے متاثرہ علاقوں میں ہنگامی حالت نافذ کر دی ہے اوروزیرِاعظم میتیو رینزی نے بحالی کے اقدامات کے لیے 50ملین یورو فراہم کرنے کا وعدہ کیا ہے۔

italy2

تا ہم ابھی مقامی حکام یہ پتہ لگانے میں مصروف ہیں کہ کتنے لوگ لاپتہ ہیں جس کے لیے مقامی انتظامیہ، پولیس اور علاقہ نمائندوں سے اعداد و شمار جمع کیے جا رہے ہیں جب کہ ایک شکایتی مرکز پہلے ہی قائم کیا جا چکا ہے جہاں لوگ اپنے گمشدہ اہل خانہ کا اندراج کروا رہے ہیں۔

اٹلی میں بدھ کو آنے والے زلزلے کے نتیجے میں 268 افراد کی ہلاکت اور 400 کے زخمی ہونے کی تصدیق ہو چکی ہے جب کہ ماضی کے زلزلوں کے اعداد و شمار کے پیش نظر خدشہ ہے کہ یہ زلزلہ بھی کافی نقصان دہ ثابت ہو گا۔

Comments

- Advertisement -