سیٹل: امریکی جج نے صدر ڈونلڈ ٹرمپ کی جانب سے سات ممالک پر لگائی جانے والی پابندی کو امریکہ میں عارضی طور پر معطل کر دیا ہے۔
تفصیلات کےمطابق امریکی شہرسیٹل کے ڈسٹرکٹ جج جیمز رابرٹ نےصدر ڈونلڈ ٹرمپ کی جانب سے سات ممالک پرلگائی جانے والی پابندی کے خلاف فیصلہ سنادیا۔فیصلے میں کہا گیاہے کہ امیگریشن پالیسی سےسب سےزیادہ نقصان امریکی شہریوں کوہوا۔
امریکی محکمہ انصاف نے عدالت کی جانب سے صدر ٹرمپ کے ایگزیکٹیو آرڈر کو معطل کرنے کے حکم کے خلاف اپیل کی تھی۔جس میں وکیل کا موقف تھا کہ مسٹر ٹرمپ کے صدارتی حکم نامے کو چیلینج نہیں کیا جا سکتا۔
اٹارنی جنرل واشنگٹن کا کہنا ہے کہ قانون سےبڑھ کرکوئی نہیں ہے،امریکی صدرڈونلڈٹرمپ بھی قانون سےبالاترنہیں ہیں۔
مزید پڑھیں:امریکی صدر کے تارکین وطن اور 7 مسلم ممالک کے داخلے پر پابندی کے حکم نامہ پر دستخط
یاد رہےکہ گزشتہ ہفتے امریکی صدر ڈونلڈ ٹرمپ نے تارکین وطن اور 7مسلم ممالک کے شہریوں کی امریکہ میں داخلے پر پابندی کے حکم نامہ پر دستخط کیے تھے۔
مرید پڑھیں:ڈونلڈ ٹرمپ کا7مسلم ممالک پرپابندی کا حکم نامہ‘عدالت نے عملدرآمد روک دیا
نیوریاک کی عدالت نے امریکی صدر ڈونلڈ ٹرمپ کے سات مسلمان ممالک اور تارکین وطن کےحوالے سے پابندی کے حکم نامے پر عمل درآمد روک دیاتھا۔
واضح رہےکہ گذشتہ ہفتےڈونلڈ ٹرمپ کے خلاف ملک بھر میں مظاہروں کا آغاز ہوا تھا۔ایئرپورٹس پراس حکم نامے کےبعد بہت ابتر صورت حال دیکھنے کو ملی۔
