واشگنٹن: ایک تحقیق کے مطابق امریکہ میں اہم خبریں حاصل کرنے کے حوالے سے سوشل میڈیا صارفین کی تعداد میں تیزی کے ساتھ اضافہ ہورہا ہے، جس میں لوگوں کی کثیر تعداد فیس بک کی خبروں کو اہمیت دیتی ہے۔
پیو ریسرچ سینٹر کے حالیہ سروے کے مطابق 62 فیصد بالغ افراد خبریں حاصل کرنے کے لیے سوشل میڈیا کا سہارا لیتے ہیں، جن میں سے 18 فیصد کو اکثر ملتی ہیں۔
سروے کے مطابق خبریں حاصل کرنے کے لیے 66 فیصد فیس بک، 59 فیصد ٹوئٹر اور سات سے 10 فیصد لوگ ریڈ اٹ استعمال کرتے ہیں۔
سروے میں بتایا گیا ہے امریکہ کی کُل آبادی میں سے 44 فیصد یعنی دو تہائی اکثریت فیس بک استعمال کرتی ہے۔جس کے بعد فیس بک امریکہ میں سب سے زیادہ استعمال ہونے والی سماجی رابطے کی ویب سائٹ شمار ہونے لگی ہے۔
یہ سروے اس وقت سامنا آیا ہے جب فیس بک پر الزام عائد کیا گیا ہے کہ کچھ خاص سیاسی و دیگر موضوعات کو اتنظامیہ کی طرف سے شائع ہونے سے قبل دبا دیا گیا ہے۔
واضح رہے گزشتہ ہفتے فیس بک انتظامیہ نے الزامات کو مسترد کرتے ہوئے کہا تھا کہ آئندہ اس قسم کے الزامات سے بچنے کے لیے اقدمات کیے جارہے ہیں۔
فیس بک کے بانی مارک زکربرگ نے کننروٹیو پارٹی کے رہنماء سے ملاقات کے دوران کہا کہا ’’فیس بک ایسا پلیٹ فارم ہے جہاں سارے آئیدیاز ملتے ہیں‘‘۔
نیو پیو کی رپورٹ کے مطابق فیس بک، یوٹیوب اور انسٹاگرام کے صارفین اُس وقت نیوز حاصل کرتے ہیں جب وہ کسی دوسرے کام سے آن لائن ہوتے ہیں،جبکہ ریڈیٹ، ٹوئٹر اور لنکڈان کے صارفین کو خبریں تلاش کرنی پڑتی ہیں۔
