اسلام آباد : الیکشن کمیشن نے چار نئے ارکان کے تقرر کی منظوری دے دی،پارلیمانی کمیٹی نے چوبیس میں سے چار اراکین کے ناموں کی منطوری دی.
تفصیلات کےمطابق پارلیمانی کمیٹی کا اجلاس وفاقی وزیر پرویز رشید کی صدارت میں ہوا،اجلاس میں زاہد حامد،ڈاکٹر درشن،داود اچکزئی،،کبیر شاہی،شیری مزاری، خالد مقبول صدیقی،غلام مصطفی شاہ،یوسف تالپور،،اسلام الدین شیخ،ارشد لغاری اور جنیدانوار چوہدری بھی شریک تھے.
پارلیمانی کمیٹی نے پنجاب سے الطاف ابراہیم قریشی، خیبرپختونخواہ سےارشاد قیصر،سندھ سےعبدالغفورسومرو اور بلوچستان سےجسٹس ریٹائرڈشکیل احمد بلوچ کانام منظور کیا گیا.
یاد رہے آئین کے مطابق الیکشن کمیشن کسی بھی خالی آسامی کو پینتالیس روز میں پُر کرنا ہوتا ہے جس کے مطابق الیکشن کمیشن ممبران کی تقرری پچیس جولائی تک کرنا تھی.
*الیکشن کمیشن ممبران کی تقرری: اسحاق ڈار کی خورشید شاہ سے ملاقات
گزشتہ ہفت الیکشن کمیشن ممبران کی تقرری کےلیے وفاقی وزیرخزانہ اسحاق ڈار نے اپوزیشن لیڈرسید خورشید شاہ سے ملاقات کی تھی،جس میں ممبران کی تقرری کے معاملے پر بات چیت کی گئی تھی.
*الیکشن کمیشن کی خالی نشستوں پر 27جولائی تک تقرریوں کا حکم
واضح رہےکہ رواں ماہ 15 جولائی کو سپریم کورٹ آف پاکستان نے الیکشن کمیشن آف پاکستان کی خالی نشستوں پر 27 جولائی تک تقرری کا حکم دیا تھا۔
