لاہور : وفاقی وزیر منصوبہ بندی احسن اقبال نے کہا ہے کہ پاک چائنہ اقتصادی راہداری سے جنوبی ایشیاء میں ترقی آئے گی۔
لاہور میں بین الاقوامی چارٹرڈ اکاؤنٹنٹس کانفرنس سے خطاب کرتے ہوئے وفاقی وزیر منصوبہ بندی احسن اقبال کا کہنا تھا کہ 2025 تک پاکستان کا شمار پہلی 10 معیشتوں میں ہو گا.
پاکستان کی معیشت کو درست سمت پر گامزن کر دیا ہے۔ انہوں نے کہا کہ معاشی اعشاریئے ہماری مثبت پالیسیوں کی نشاندہی کرتے ہیں.
پاک چائنہ اقتصادی راہداری سے خطے میں ترقی کی نئی راہیں کھلیں گی۔ انہوں نے کہا کہ ماضی میں لوگ پاکستان میں سرمایہ کاری سے ڈرتے تھے اب ایسا نہیں ہے.
ابتدائی طور پر چین 46 ارب ڈالر کی سرمایہ کاری کرے گا، جس میں سے 35 ارب ڈالر توانائی پر خرچ ہوں گے۔ ان کا کہنا تھا کہ اب پروفیشنلز کو پاکستان کی ترقی کے لیے آگے آنا ہو گا۔
اس موقع پر گورنر پنجاب ملک رفیق رجوانہ کا کہنا تھا کہ روزگار کی فراہمی کیلئے نجی اداروں کو بھی اپنا کردار ادا کرنا ہو گا۔
