واشنگٹن: ڈونلڈ ٹرمپ کےصدر منتخب ہونے کے خلاف امریکہ کے کئی شہروں میں احتجاج ،امریکی عوام سڑکوں پر آگئے۔
تفصیلات کےمطابق ڈونلڈٹرمپ کےصدرمنتخب ہونےکےخلاف امریکہ کی مختلف ریاستوں میں احتجاج کاسلسلہ جاری ہے۔وائٹ ہاؤس کے سامنے مظاہر ہ کرنے والوں کا کہنا تھا کہ وہ ڈونلڈ ٹرمپ کو صدر نہیں مانتے۔
امریکی ریاست ریاست کیلیفورنیاکےشہرسین فرانسسکومیں ایک ہائی اسکول کےتقریباً1500طالب علموں ٹرمپ کی کامیابی کےاعلان کےساتھ ہی احتجاجاً کلاس چھوڑکرباہرنکل آئے۔
طالب علموں نےہائی اسکول سےیونیورسٹی آف کیلیفورنیاتک احتجاجی ریلی نکالی۔احتجاجی طالب علم ٹرمپ کوصدرماننے سے انکارکررہےتھے۔
ادھرریاست واشنگٹن کےشہرسیاٹل میں بھی ہائی اسکول کے200طالب علموں نےاحتجاجی ریلی نکالی۔طلبا نےٹرمپ مخالف نعرے بازی اور کہا کہ ان کا مستبقل تباہ ہونے سے بچایاجائے۔
امریکی ریاست ٹیکساس،سیاٹل،اوریگن، پورٹ لینڈ اور فلاڈیلفیا میں ہزاروں مظاہرین نے ڈونلڈ ٹرمپ کے صدر منتخب ہونے پر شدید احتجاج کیا۔
واضح رہے کہ واشنگٹن میں ٹرمپ ٹاور اور شکاگو میں ٹرمپ انٹر نیشنل ہوٹل اینڈ ٹاور کے سامنےہزاروں افراد نے احتجاج کیا،پولیس نے سڑک بند کر کے مظاہرین کو روک دیا۔
