واشنگٹن : اورلینڈو نائٹ کلب حملے کے بعد صدارتی امیدوار ڈونلڈٹرمپ نے صدراوباما سے استعفے کا مطالبہ کردیا ہے جبکہ امریکی صدربراک اوباما نے اورلینڈو نائٹ کلب میں فائرنگ کو دہشتگردی اور نفرت انگیز عمل قراردیا ہے۔
ری پبلکن پارٹی کے متوقع صدارتی امیدوارڈونلڈ ٹرمپ نے واقعہ کے بعد صدربراک اوباما سے استعفی دینے کا مطالبہ کردیا، ڈونلڈٹرمپ نے ٹوئٹ میں صدراوباما کو کمزور حکمران قرار دیا۔
Is President Obama going to finally mention the words radical Islamic terrorism? If he doesn't he should immediately resign in disgrace!
— Donald J. Trump (@realDonaldTrump) June 12, 2016
ڈیمو کریٹک پارٹی کی متوقع صدارتی امیدوار ہیلری کلنٹن کو بھی آڑے ہاتھوں لیتے ہوئے ٹرمپ نے کہا کہ ہلیری کلنٹن اگر اسلام کو ریڈیکل نہیں کہتیں تو انہیں صدارتی انتخابات سے دستبردارہو جانا چاہیئے۔
Clinton made a false ad about me where I was imitating a reporter GROVELING after he changed his story. I would NEVER mock disabled. Shame!
— Donald J. Trump (@realDonaldTrump) June 12, 2016
Appreciate the congrats for being right on radical Islamic terrorism, I don't want congrats, I want toughness & vigilance. We must be smart!
— Donald J. Trump (@realDonaldTrump) June 12, 2016
ہلری کلنٹن نے اورلینڈوفائرنگ کے بعد بدھ کو وسکونسن میں انتخابی مہم ملتوی کردی، انتخابی مہم میں صدربراک اوباما کو بھی شرکت کرنا تھی۔
دوسری جانب اورلینڈو کے نائٹ کلب میں فائرنگ سے پچاس افراد کی ہلاکت کو صدربراک اوباما نے دہشتگردی اورنفرت کا عمل قراردے دیا، اوباما نے کہا کہ دکھ کی گھڑی میں پوری امریکی قوم متاثرہ خاندانوں کے ساتھ ہے۔