امریکامیں صدارتی الیکشن کےامیدواروں کے چناو کی مہم کا آغاز ہوگیا، رپبلکن امیدوار کے لئے ہونے والی پولنگ میں ڈونلڈ ٹرمپ کو شکست کا سامنا کرنا پڑا۔
ریپبلکن اورڈیموکریٹک پارٹیوں کی جانب سے امریکا میں صدارتی انتخاب کا امیدوارطے کرنے کے لئے مہم شروع ہوگئی، پہلے مرحلے کے دوران آئیوا میں پولنگ ہوئی جس میں مسلمانوں کے خلاف زہر اگلنے والے ڈونلڈ ٹرمپ کو زوردار جھٹکا لگا، ڈونلڈ ٹرمپ کے اپنی ہی پارٹی ریپبلکن کے دوسرے امیدوارٹیڈ کروز انہیں شکست کا سامنا کرنا پڑا ۔
شکست کے بعد ڈونلڈ ٹرمپ نے کہا کہ یہ تو شروعات ہے، اور یہ دعویٰ کیا کہ دوسرے مقامات سے وہ ہی جیتے گا۔
ڈیموکریٹک پارٹی میں صدارتی امیدوارطے کرنے کے لئے کانٹے کا مقابلہ رہا، ہیلری کلنٹن کواپنے مخالف پر معمولی برتری حاصل ہوئی، بعض امریکی میڈیا رپورٹس کے مطابق دونوں کا مقابلہ برابر رہا۔
اس موقع پر ہیلری کلنٹن کا کہنا ہے امریکا کے مفاد کے لئے کام کرنے کے لئے پرعزم ہیں۔
