کراچی : وزیرِ اعلیٰ سندھ مراد علی شاہ نے مقامی ہوٹل میں آگ لگنے کے بعد حکومت سندھ نے تمام ہوٹلوں کی جانچ کا حکم دے دیا ہے۔
تفصیلات کے مطابق وزیراعلیٰ سندھ نےصوبے بھر کےتمام ہوٹلوں کی جانچ پڑتال کا حکم دیتے ہوئےمحکمہ سول ڈیفنس سےرپورٹ طلب کر لی۔
مرادعلی شاہ نےمعاملےکی تحقیقات کے لیے انکوائری کمیٹی تشکیل دینےکی ہدایت کردی‘کمیٹی میں محکمہ ہوم‘ لیبر اورکےایم سی افسران شامل ہوں گے۔
وزیراعلی سندھ نےکمشنرکراچی سے بھی فون کے ذریعے رابطہ کرکے معاملے چھان بین کرنے کی ہدایت کی کہ آیا ہوٹلوں میں ایمرجنسی آلات اور یمرجنسی گیٹ موجودہیں یانہیں ؟۔
وزیراعلیٰ سندھ نے آتشزدگی کے واقعےپرافسوس کا اظہار کرتےہوئےجاں بحق افرادکےورثاسےتعزیت کی۔
یادرہے کہ شارع فیصل پر واقع نجی ہوٹل کےگراؤنڈ فلور پر رات گئے آتشزدگی کا حادثہ پیش آیا‘ جس میں خواتین وبچوں سمیت 11افراد ہلاک اور 65سے زائد زخمی ہوگئے۔
نجی ہوٹل میں آتشزدگی،11افراد ہلاک
ہوٹل کی عمارت میں دھواں بھرجانے کے باعث امدادی کارروائیوں میں مشکلات کا سامنا رہا تاہم فائر برگیڈ حکام نے آگ پر تقریباً 3 گھنٹے بعد قابو پالیا۔
ذرائع کا کہناہے ہلاک ہونے والے والوں میں 4خواتین اور 3ڈاکٹرزجبکہ زخمیوں میں غیر ملکی افراد سمیت رینجرز کے اہلکار بھی شامل ہیں۔
