چنائی : بھارتی ریاست تامل ناڈوکی خاتون وزیراعلیٰ جیاللیتاطویل علالت کےبعد68سال کی عمرمیں چل بسیں۔
تفصیلات کےمطابق بھارتی ریاست تامل ناڈو کے دارالحکومت چنائی کے نجی ہسپتال میں زیر علاج معروف سیاستدان اور وزیراعلیٰ جیاللیتاچل بسیں۔
سابق فلم اسٹار اور وزیراعلیٰ جیا للیتا22ستمبر سے بخار اور ڈی ہائی ڈیریشن کے سبب اسپتال میں داخل تھیں جہاں انہیں اتوار کو دل کا دورہ پڑا،جس کے باعث وہ پیر کی شب جان کی بازی ہارگئیں۔
قبل ازیں گزشتہ روز جے للیتا کی طبیعت خراب ہونے کے باعث ہزاروں افراد کے جمع ہونے کے بعداسپتال کے باہر پولیس کو الرٹ کردیا گیا تھا۔
خیال رہے کہ چار مرتبہ ریاست کی وزیراعلیٰ رہنےوالی جیاللیتاکوریاست میں دیوی کادرجہ حاصل رہااورعوام انہیں اماں کہہ کر پکارتے تھے۔
جیاللیتا کی موت کی خبرپھیلنے پر چنائی کےاپالواسپتال کے باہر اور ریاست کے دیگر علاقوں میں انتہائی جذباتی مناظر دیکھنےمیں آئے۔
بھارتی ریاست تامل ناڈو میں جیاللیتا کی موت پرسات روزہ سوگ کااعلان کیاگیاہے جس دوران تعلیمی اداروں بند رہیں گے اور سرکاری دفاتر پرقومی پرچم سرنگوں رہے گا۔
یاد رہےکہ 68سالہ جیا للیتا پرمتعدد مرتبہ کرپشن کے الزامات عائد کیے گئےاورانہیں2014 میں بدعنوانی کے الزام میں کچھ عرصہ جیل میں بھی گزارنا پڑا۔
واضح رہےکہ سیاست میں آنے سے قبل جیا للیتا فلموں کی مشہورہیروئن تھیں اورانہوں نے تامل اوردیگرعلاقائی زبانوں میں بننے والی ایک 140فلموں میں اداکاری کے جوہر دکھائے۔
