تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

ماحولیاتی تبدیلیوں کا جائزہ لینے کے لیے یورپین خلائی ایجنسی کا سیٹلائٹ لانچ

یورپین خلائی ایجنسی نے ماحولیاتی تبدیلیوں کا جائزہ لینے کے لیے سیٹلائٹ لانچ کردیا، سیٹلائٹ دنیا بھر میں پیش آںے والی ماحولیاتی اورزمین پرہونے والی تبدیلیوں کا جائزہ لے گی۔

برطانوی خبر رساں ادارے کے مطابق یہ سیٹلائٹ کوپرنکس پروگرام کا حصہ ہے جس کے تحت زمین کی سطح کا وسیع پیمانے پر جائزہ لیا جائے گا۔

سیٹلائٹ سینٹینل ۔ ون بی ماحولیاتی تبدیلیوں کے جائزے اوران پر ریسرچ کے لیے لانچ کیا گیا ہے۔ اس پروگرام کے تحت دو سیٹلائٹ لانچ کیے جانے تھے جن میں سے پہلا سیٹلائٹ اپریل دو ہزار چودہ میں خلا میں بھیجا جا چکا ہے۔

یورپی خلائی ایجنسی کی جانب سے جاری کردہ مراسلے کے مطابق سیٹلائٹ زمین کی سطح کی تصاویر لینے کے لیے جدید ریڈار سسٹم بھی استعمال کرے گا۔ سیٹلائٹ زمین کا چکر لگائے گا اورہرچھٹے دن زمین کی تصاویر اتارے گا۔ سیٹلائٹ کی بھیجی ہوئی تصاویر سے قطب شمالی کی پگھلتی ہوئی برف،صنعتی فضلے سے پیدا ہونے والے خطرات اور جنگلات کے بارے میں معلومات فراہم ہوں گی۔

ماحولیاتی تبدیلیاں زمین کے لیے ایک بہت بڑے خطرے کی صورت میں سامنے آرہی ہیں اور یہی وجہ ہے کہ ان کے بارے میں سنجیدہ اقدامات کا سلسلہ جاری ہے۔ اس سے قبل گزشتہ برس ماحولیاتی تبدیلیوں کی عالمی کانفرنس میں 195 ممالک نے زمین کا عالمی درجہ حرارت 2 ڈگری سینٹی گریڈ سے کم رکھنے کے کردار پر اتفاق کیا تھا۔

معاہدے پر گزشتہ ہفتے عالمی یوم ارض کے موقع پر پاکستان کے وزیر داخلہ چوہدری نثار سمیت عالمی رہنماؤں نے دستخط کیے ہیں۔

Comments

- Advertisement -