سنتیاگو : چلی کے دارلحکومت سنتیاگو میں آٹھ اعشاریہ تین شدت کے زلزلے میں پانچ افراد جاں بحق ہوگئے جبکہ سونامی وارننگ جاری کردی ہے۔
امریکی زلزلہ پیما مرکز کے مطابق زلزلے کا مرکز دارالحکومت سان تیاگو سے دو سو اٹھائیس کلومیٹر دور تھا اور زمین میں گہرائی دس کلومیٹر تھی، ریکٹراسکیل پر زلزلے کیشدت آٹھ عشاریہ تین نوٹ کی گئی۔
زلزلہ اس قدر شدید تھا کہ اس کے جھٹکے ارجنٹائن کے شہر بیونس آئریز تک محسوس کیے گئے، زلزلے میں سب سے زیادہ متاثر ہونے والے علاقوں میں ٹونگوائے، کوکمبو، پیرو، ہوائی اور ارجنٹائین کے چند صوبے شامل ہیں۔
زلزلے کے باعث عمارتیں لرز اٹھیں اور شہری خوفزدہ ہوکر سڑکوں پر نکل آئے، حکام نے زلزلے کے باعث اٹھنے والی لہروں کے بعد ساحلی پٹی کے رہائشیوں کو نقل مکانی کے لیے تیار رہنے کی ہدایت کردی گئی ہے۔
زلزلے کے بعد آفٹر شاکس کا سلسلہ جاری ہے۔
Comments
- Advertisement -
