ٹانک : چیف جسٹس سندھ ہائی کورٹ کے بیٹے اویس شاہ کو ٹانک کے قریب آپریشن کرکے بازیاب کرالیاگیا،آپریشن کے دوران تین دہشت گرد بھی مارے گئے.
تفصیلات کے مطابق چیف جسٹس سندھ ہائی کورٹ کے بیٹے اویس شاہ کو ٹانک کےقریب آپریشن کر کے بازیاب کروالیاگیا،سیکورٹی فورسز کے آپریشن کے دوران تین دہشت گرد بھی مارے گئے.
سیکورٹی ذرائع کےمطابق دہشت گرداویس شاہ کو افغانستان لے کر جارہے تھے،چیک پوسٹ پر تلاشی کےلیے روکا گیا تودہشت گردوں نے فائرنگ کردی.
آرمی چیف جنرل راحیل شریف نے چیف جسٹس سندھ کے بیٹے اویس شاہ کی بازیابی پر چیف جسٹس سندھ کو مبارکباد دی.
پاک فوج کے سربراہ جنرل راحیل شریف نے کامیاب آپریشن پر سیکورٹی فورسز کو مبارکباد دی.
#COAS commended efforts of Int &security forces for successful op.COAS also called &congratulated CJ Sind on recovery of his son-3/3
— Gen Asim Bajwa (@AsimBajwaISPR) July 18, 2016
ڈی جی آئی ایس پی آر نے سماجی رابطے کی ویب سائٹ پر ٹویٹ کرکے اویس شاہ کی بازیابی کی تصدیق کی اوربتایا کہ آپریشن کے دوران تین دہشت گرد مارے گئے،آئی ایس پی آر کےمطابق اویس شاہ سیکورٹی فورسز کے پاس ہیں.
Awais Shah son of Sind Chief Justice recovered through an IBO from custody of terrorists from near Tank,3 terrorists killed.-1/2
— Gen Asim Bajwa (@AsimBajwaISPR) July 18, 2016
ڈی جی آئی ایس پی آر کے مطابق اویس شاہ کو آج کراچی میں ان کے والدین کے حوالے کیا جائے گا.
Awais Shah safe with security forces,will be transported back to his parents during the day. Details to follow. 2/3
— Gen Asim Bajwa (@AsimBajwaISPR) July 18, 2016
وزیراعظم پاکستان نواز شریف نے چیف جسٹس سندھ ہائی کورٹ کو بیٹے کی بازیابی پر مبارکباد دی.
گورنرسندھ ڈاکٹر عشرت العباد خان نے چیف جسٹس سندھ ہائی کورٹ کو ٹیلیفون کرکے اویس شاہ کی بازیابی پر مبارکباد دی.
گورنزسندھ نے آرمی چیف کو فون کرکے اویس شاہ کی بازیابی پر مبارکباد دی،اور انہوں نے کہا کہ اویس شاہ کی بازیابی ایک بڑا چیلنج تھا.
گورنر سندھ کا کہنا ہے کہ سخت سیکورٹی کے باعث دہشت گرد بارڈر کراس کرنے میں کامیاب نہ ہوسکے،انہوں نے کہا کہ بہت کم عرصے ،میں اویس شاہ کو بازیاب کرانا بہت بڑاکارنامہ ہے.
یاد رہے کہ چیف جسٹس سندھ ہائی کورٹ کے بیٹے اویس شاہ کو 20 جون کوکراچی کے علاقے کلفٹن کے سے اغوا کیا گیا تھا.
