اوٹاوہ: کینڈین وزیراعظم نے کیوبک شہر کی مسجد میں مسلح حملہ آوروں کی جانب سے فائرنگ کےواقعےکو بزدلانہ حرکت قراردیا ہے۔
تفصیلات کےمطابق سماجی رابطے کی ویب سائٹ ٹویٹر پر کینیڈاکے وزیراعظم جسٹن ٹروڈو نے کیوبک مسجد حملے میں جاں بحق ہونے والے افراد کے خاندان سے ہمدری کااظہارکرتے ہوئے کہا کہ پوری قوم اس واقعے پر افسردہ ہے۔
Tonight, Canadians grieve for those killed in a cowardly attack on a mosque in Quebec City. My thoughts are with victims & their families.
— Justin Trudeau (@JustinTrudeau) January 30, 2017
کینیڈا کے وزیراعظم جسٹن ٹروڈو نے کیوبک شہر کی مسجدمیں مسلح افراد کی فائرنگ کو دہشت گرد حملہ قرار دیا ہے۔
وزیراعظم جسٹن ٹروڈو نے اپنے بیان میں کہا کہ فائرنگ کے اس واقعےکی تحقیقات کی جارہی ہے،انہوں نےکہا کہ مسلمان کمیونٹی ہماری سوسائٹی کا اہم حصہ ہے۔انہوں نےکہا کہ اس طرح کے حملوں کی ہمارے معاشرے میں کوئی جگہ نہیں ہے۔
مزید پڑھیں: کینیڈا میں مسجد پر فائرنگ ‘6نمازی شہید
واضح رہےکہ کینیڈاکےشہرکیوبک کی مسجد میں نامعلوم افراد کی فائرنگ کےنتیجےمیں چھ نمازی شہید جبکہ آٹھ افراد زخمی ہوگئے،فائرنگ کے وقت مسجد میں 40افراد موجود تھے۔