کانو: نائجیریامیں شدت پسند تنظیم بوکوحرام نےچار ساتھیوں کےبدلے2014 میں اغوا کی جانے واللی 200 میں سے21 مغوی لڑکیوں کورہاکردیا۔
تفصیلات کےمطابق نائجیریاکےصدارتی ترجمان کا کہنا ہےکہ شدت پسند تنظیم بوکوحرام سے طویل مذاکرات ہوئے جس میں سوئس حکومت نے ثالث کا کردار ادا کیا۔مذاکرات کے نتیجے میں بوکوحرام نے21 لڑکیوں کو رہا کردیا۔
صدراتی ترجمان کے بیان میں مزید کہا گیا کہ اس سلسلے میں مزید مذاکرات ابھی جاری ہیں اور مزید لڑکیوں کی رہائی کا بھی امکان ہے۔
Dawn, dusk, almost a 1000 days.
Twenty-one of our girls are back.
It is my joy to welcome you home.
The nation has been waiting for you. pic.twitter.com/iNummDG8rU— Prof Yemi Osinbajo (@ProfOsinbajo) October 13, 2016
نائجیریا کے صدر محمد بحاری نےسماجی رابطے کی ویب سائٹ ٹوئٹر پر اپنے بیان میں کہا کہ میں کامیاب مذاکرات کے بعد 21 لڑکیوں کی رہائی کا خیرمقدم کرتا ہوں۔
بوکوحرام کی جانب سے رہا کی جانے والی لڑکیوں کوریڈ کراس کی گاڑی میں بانکی سے 15 کلو میٹر دور واقع علاقے کمشے میں لایا گیا وہاں فوجی ہیلی کاپٹر میں سوار کر کے انہیں فوری طور پر میدوگوری لے جایا گیا۔
خیال رہےکہ اپریل 2014 میں چبوک کے اسکول کی 276 لڑکیوں کو اغوا کیا گیا تھا جن میں سے 21 کو بوکو حرام کے چار قیدیوں کے بدلے رہا کردیا گیا ہے۔
واضح رہےکہ 2009 سے حکومت اور بوکوحرام کے درمیان لڑائی میں 20ہزار سے زائد افراد ہلاک ہوئے اور لاکھوں افراد نقل مکانی کرچکے ہیں۔
