ابوجا: نائجیریا کے گاؤں پر دہشتگردتنظیم بوکوحرام کے حملے میں چھیاسی افراد ہلاک ہوگئے۔ بوکوحرام نے سفاکیت کی انتہا کرتے ہوئے بچوں کو زندہ جلا دیا۔
غیرملکی میڈیاکےمطابق شمال مشرقی نائجیریا کے دلوری نامی گاؤں میں بوکو حرام کے شدت پسندوں کی جانب سے کیے جانے والے بم حملے اور فائرنگ کے نتیجے میں کم از کم چھیاسی افراد ہلاک ہوگئے۔
مقامی میڈیاکے مطابق گاؤں میں لگی آگ کو دس کلومیٹر دور سے دیکھا جاسکتا ہے۔ حملے میں کئی گھنٹوں تک فائرنگ کا سلسلہ جاری رہا۔
خیال رہےکہ شدت پسند تنظیم بوکو حرام کی جانب سے گذشتہ چھ سالوں سے شمال مشرقی نائجیریا کے علاقوں میں پرتشد کارروائیاں جاری ہیں جس کے نتیجے میں اب تک تقریباً سترہ ہزار افراد ہلاک اور بیس لاکھ کے قریب بے گھر ہو چکے ہیں۔
Comments
- Advertisement -